Accueil myOrientation

Me connaître - Etape 1: J'identifie mes intérêts, points forts et attentes professionnelles

Professions et formations - Etape 2: J’explore le monde des professions et des formations

Qualités requises et conditions d'admission - Etape 3: Je compare mes points forts avec les qualités requises et les conditions d'admission des métiers

Stages - Etape 4: J’explore en détail les métiers qui m’intéressent le plus

Projet professionnel - Etape 5: J’évalue mes résultats et me décide pour une profession ou une formation

Apprentissage - école - Etape 6: Recherche d'une place d'apprentissage et / ou inscription à une école

Préparation - Etape 7: Je me prépare à ma formation en entreprise ou en école

Dossier de travail - Tes résultats

Veuillez patienter...

Préparation de votre dossier myOrientation.

Déconnecté

Votre session de travail est expirée. Vous allez être redirigé sur la page d'accueil. Veuillez vous connecter à nouveau pour continuer votre session de travail.

Corona: certaines entreprises/organisations ne sont plus joignables.
Jusqu'à nouvel ordre, aucune manifestation ne peut avoir lieu.

Decoratur / Decoratura da locals AFQ

Decoraturas e decoraturs da locals embelleschan abitaziuns e locals commerzials. Els monteschan sistems da sumbrivals, restaureschan mobiglias, mettan palantschieus, monteschan lampas e surpiglian autras lavurs decorativas.

Lavurs

Decoraturas e decoraturs da locals equipeschan locals interiurs ed exteriurs d'edifizis moderns ed istorics. Cun inschign manual ed in sentiment per l'estetica realiseschan els projects en las spartas da mobiglias, palantschieus, preits e palantschieus sura. Cun lur lavur procuran els per in’atmosfera agreabla ed empernaivla els locals d’abitar e da commerzi.

Cun sumbrivals e sistems da sumbrivals, elements da decoraziun, tapetas, lampas decoreschan, renoveschan e persunaliseschan ils decoraturs e las decoraturas da locals l'ambient en stanzas da abitar e da lavur. Els cusan e confecziuneschan ils sumbrivals e monteschan glischneras da sumbrivals ed auters meds da fixaziun.

Decoraturs e decoraturas da locals pulstreschan mobiglias e surtirain ellas cun differents materials. Els pulstreschan tenor la moda classica. Els preparan la mobiglia per pulstrar, fabritgeschan il sistem da plima, lian las plimas d'atschal exactamain e cuvran ellas cun ina taila da plimas. Cun differents materials dattan els la furma al pulstrà.

Decoraturas e decoraturs da locals mettan tarpuns e palantschieus. Durant ch'els prendan davent ils vegls palantschieus fan els stim sin privels pussaivels d'asbest e prendan las mesiras necessarias, sch'i fa basegns. Tut tenor necessitad allontaneschan els restanzas cun glimar u fresar. Els preparan il palantschieus da basa e nivelleschan els en cas da malgulivezza.

Decoraturs e decoraturas da locals lavuran directamain cun clientella, architects, architects d'interiurs, mastergnants ed ulteriurs partenaris. Els furneschan mobiglias u parts da mobiglias a lur clientella. Per il transport e la montascha preparan els  ils meds da transport ed ils guaffens dretgs. Cura ch'els portan las mobiglias en ils locals miran els da na betg donnegiar l'endrizzament. Ils locals laschan els enavos intactamain.

La gronda part da las lavurs vegn preparada ed exequida en l’atelier. En il local da commerzi cusseglian decoraturs d’interiurs la clientella areguard las pussaivladads da concepziun e la tscherna dal material. Per far mesiraziuns e lavurs da montascha van els tar lur clientella a chasa u al lur plaz da lavur.

Scolaziun

Basa legala

Ordinaziun federala 30-8-2019

Durada

4 onns

Furmaziun en la pratica

En in’interpresa per decoraziun d’interiurs u in'interpresa per la decoraziun da locals

Furmaziun en scola

In di l'emna a la scola professiunala

Roms professiunals

  • Pulstrar
  • Installar sumbrivals u sistems da sumbrivals
  • Metter palantschieus textils
  • Surtrair u cuvrir surfatschas cun differents materials
  • Montar mobiglias u objects
  • Communitgar e documentar
  • Segirezza da lavur, protecziun da la sanadad e da l'ambient
  • Curs ordaifer il manaschi

    emprender ed exercitar las basas professiunalas

    Maturitad professiunala

    Fitg bunas prestaziuns da scola permettan da frequentar la scola da maturitad professiunala durant la furmaziun da basa.

    Diplom

    Attestat federal da qualificaziun "decoratur / decoratura da locals AFQ"

Premissas

Furmaziun preliminara
  • scola populara terminada cun pretensius mediocras u autas
  • bunas prestaziuns en quints e geometria
Pretensiuns
  • inschign manual
  • chapientscha tecnica
  • buna imaginaziun dal spazi
  • sentiment estetic
  • chapientscha per materials decorativs, cun stil e d'auta valur
  • lavurar exactamain
  • lavurar independentamain e surprender atgna responsabladad
  • abilitad da lavurar en ina gruppa

Furmaziun supplementara

Curs

purschidas da scolas spezialisadas e professiunalas, da l’Associaziun interieursuisse sco era da manaschis da furniziun

Examen professiunal (EP)

cun attestat da qualificaziun federal:
Planisader/dra d'endrizzament
Creader/ra da textilias interiuras
Pulstrader/dra spezialisà da mobiglias
Colurist/colurista
Concepider artisan, concepidra artisana

Examen professiunal superiur (EPS)

decoratur d’interiurs diplomà / decoratura d’interiurs diplomada

Scola spezialisada superiura (SSS)

studis en champs parentads, p.ex. tecnicist / tecnicista  dipl. SSS textil, tecnicist / tecnicista dipl. SSS per la planisaziun da construcziun (profundaziun architectura d'interiurs) u concepider en design da products SSS (profundaziun design textil)

Scola auta spezialisada (SAS)

p.ex. Bachelor of ARTS (SAS) en architectura d’interiurs u Bachelor of Arts (SAS) en design industrial e da products

Cundiziuns da lavur

Decoraturs/as da locals exequeschan lur mastergn oravant tut en manaschis pitschens e mesauns. Els lavuran schebain en il lavuratori sco er en ils locals d'abitar u da lavurar da la clientella.

Ulteriuras infurmaziuns

ODA Raumausstattung Schweiz
c/o interieursuisse
Eichholzstr. 11
Postfach 428
2545 Selzach
Tel: +41 32 641 66 10
URL: www.raumausstattung-schweiz.ch

Revista professiunala
"Interieur"



orientation.ch