Accueil myOrientation

Me connaître - Etape 1: J'identifie mes intérêts, points forts et attentes professionnelles

Professions et formations - Etape 2: J’explore le monde des professions et des formations

Qualités requises et conditions d'admission - Etape 3: Je compare mes points forts avec les qualités requises et les conditions d'admission des métiers

Stages - Etape 4: J’explore en détail les métiers qui m’intéressent le plus

Projet professionnel - Etape 5: J’évalue mes résultats et me décide pour une profession ou une formation

Apprentissage - école - Etape 6: Recherche d'une place d'apprentissage et / ou inscription à une école

Préparation - Etape 7: Je me prépare à ma formation en entreprise ou en école

Dossier de travail - Tes résultats

Veuillez patienter...

Préparation de votre dossier myOrientation.

Déconnecté

Votre session de travail est expirée. Vous allez être redirigé sur la page d'accueil. Veuillez vous connecter à nouveau pour continuer votre session de travail.

Mecanist / Mecanista da maschinas da construcziun AFQ

Mecanists e mecanistas da maschinas da construcziun mantegnan e reparan maschinas, vehichels ed isegls che vegnan utilisads en la construcziun auta e bassa. Els mainan tras lavurs da service, reconstrueschan maschinas e fabritgeschan tocs da reserva.

Lavurs

Mecanists e mecanistas da maschinas da construcziun èn responsabels per il  mantegniment, il service e la reparatura da maschinas da construcziun. Latiers tutgan exchavaturs, apparats da sientar construcziuns, betunieras, martels idraulics, cranas, chars cun chascha cupitgabla, splattitschas (vibrantas) euv. Savens sa tracti d’instruments da hightec cumplexs cun elements da cumond electronics.

Mecanists da maschinas da construcziun lavuran en lavuratoris ch’èn endrizzads a moda moderna, nua ch’als stattan a disposiziun resgias da maschinas, maschinas da furar e da mular, indrizs da buglir, turns, plattafurmas idraulicas, isegls spezials sco er differents apparats da mesirar e controllar. Els èn dentant er savens en viadi per reparar pannas u disturbis directamain tar la clientella u sin il plazzal.

Tar reparaturas lavuran mecanists da maschinas da construcziun betg mo cun forza ed inschign, mabain erueschan cun instruments da diagnosa dirigids da computers disturbis en sistems electrics, electronics, mecanics ed idraulics. Latiers consulteschan els manuals e plans da funcziun sco er protocols da controlla. Els demonteschan parts d’ina maschina u d’in motor, prendan dapart agregats en tocs singuls, als nettegian e remplazzan parts isadas. Sch’ins na po betg retrair tocs da reserva entaifer in termin util, als fabritgeschan els sezs. Els san applitgar las tecnicas ch’ins dovra latiers sco furar, storscher e buglir. Els lavuran cun metals, ma era cun materials sintetics.

Mecanists da maschinas da construcziun mainan tras lavurs da controlla e da service. Els controlleschan elements da construcziun sin lur funcziunalitad, midan ieli, giusteschan ventils, tiran suenter struvas da rodas e controlleschan ils indrizs da frains sco er la pressiun da l’aria en ils pneus. Ultra da quai tutga la modificaziun e la cumplettaziun da maschinas tenor giavischs da la clientella tar lur incumbensas. Els equipeschan per exempel las maschinas cun filters da particlas u monteschan stgamiaders spezials per il barat svelt d’apparats. Maschinas novas preparan els per metter en funcziun. Els èn er responsabels per las controllas necessarias sco la mesiraziun da las valurs da svapur.

Durant lur lavur resguardan mecanists da maschinas da construcziun las prescripziuns da segirezza, da la sanadad e da la protecziun da l’ambient e preparan ils vehichels tenor las directivas legalas. Savens lavuran el en dus u en teams.

Scolaziun

Basa legala

Ordinaziun federala 25-10-2006

Durada

4 onns

Furmaziun en la pratica

En in lavuratori per maschinas da construcziun

Furmaziun en scola

1 di per emna a la scola professiunala (instrucziun communabla cun ils mecanists da maschinas agriculas e cun ils mecanists d’apparats a moto AFQ)

Roms professiunals

  • cumpetenzas che surpassan la professiun
  • prescripziuns
  • tecnica da las lunghezzas e tecnica da controlla
  • tecnica da fabricaziun
  • basa da la tecnica da fluid
  • idraulica
  • instrucziun da material
  • informatica
  • elements da maschinas
  • schassis
  • pilotadis / frains
  • segirezza / confort
  • infurmaziuns tecnicas
  • basas da l’electrotecnica
  • indrizs tecnics
  • motors termics
  • quint / fisica
  • lavurs spezialisadas professiunalas

Maturitad professiunala

Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

Diplom

Attestat federal da qualificaziun "mecanist / mecanista da maschinas da construcziun AFQ"

Premissas

Furmaziun preliminara
  • scola populara terminada
  • bunas prestaziuns en geometria e matematica
Pretensiuns
  • inschign manual
  • enclegientscha tecnica
  • bun dun receptiv
  • moda da lavur autonoma
  • fidadadad e senn per responsabladad
  • buna sanadad e constituziun robusta
  • plaschair vi dal contact cun la clientella

Furmaziun supplementara

Curs

purschidas dal center da furmaziun da l’Uniun svizra dal Metal e da scolas spezialisadas professiunalas

Furmaziun da basa scursanida

mecatronist / mecatronista d'automobils

Examen professiunal (EP)

manader / manadra da lavuratori da maschinas agriculas cun certificat professiunal federal

Examen professiunal superiur (EPS)

maister mecanist / maistra mecanista maschinas agriculas

Scola spezialisada superiura (SSS)

p.ex. tecnicist / tecnicista dipl. construcziun da maschinas,  tecnicist / tecnicista dipl. da construcziun en metal, tecnicist / tecnicista dipl. electrotecnica

Scola auta spezialisada (SAS)

studis en direcziuns spezialas parentadas, p.ex. Bachelor of Science SAS) en tecnica d’automobils, en tecnica da maschinas

Cundiziuns da lavur

Mecanists da maschinas da construcziun lavuran en lavuratoris da reparatura per maschinas da construcziun, en interpresas da construcziun e tar importaders da maschinas da construcziun. Savens sa spezialiseschan els sin tips specifics da maschinas da construcziun.

Grazia a lur scolaziun vasta èn mecanists da maschinas da construcziun persunas dal fatg tschertgadas. Sper la lavur sin il sectur emprendì chattan els er plazzas da lavur en l’industria e sin montascha en Svizra u a l’exteriur.

Mecanists da maschinas da construcziun èn savens en viadi e lavuran per part en il liber. Il temp da lavur lung durant il mez onn da stad vegn egualisà tras il temp da lavur pli curt durant l’enviern.

Ulteriuras infurmaziuns

Schweiz. Metall-Union SMU
Chräjeninsel 2
3270 Aarberg
Tel: 032 391 99 44
URL: www.smu.ch

Informationen zu den Landtechnik-Grundbildungen:
URL: www.go4mechanic.ch

Revista professiunala:
"Schweizer Bauwirtschaft"



orientation.ch