?global_aria_skip_link_title?

Accueil myOrientation

Me connaître - Etape 1: J'identifie mes intérêts, points forts et attentes professionnelles

Professions et formations - Etape 2: J’explore le monde des professions et des formations

Qualités requises et conditions d'admission - Etape 3: Je compare mes points forts avec les qualités requises et les conditions d'admission des métiers

Stages - Etape 4: J’explore en détail les métiers qui m’intéressent le plus

Projet professionnel - Etape 5: J’évalue mes résultats et me décide pour une profession ou une formation

Apprentissage - école - Etape 6: Recherche d'une place d'apprentissage et / ou inscription à une école

Préparation - Etape 7: Je me prépare à ma formation en entreprise ou en école

Dossier de travail - Tes résultats

Veuillez patienter...

Préparation de votre dossier myOrientation.

Déconnecté

Votre session de travail est expirée. Vous allez être redirigé sur la page d'accueil. Veuillez vous connecter à nouveau pour continuer votre session de travail.

Travaux de maintenance: en raison des travaux de maintenance sur les serveurs d’orientation.ch, il faut s'attendre à des interruptions le mardi 17 mai entre 17h00 et 24h00.

Mecanist / Mecanista da motos AFQ

Mecanists e mecanistas da motos reparan motos da tuttas grondezzas e furmas.  Els surpiglian lavurs da service, cusseglian la clientella e realiseschan lur giavischs.

Lavurs

Els exequeschan suandantas lavurs:

Service
  • eruir la raschun da problems e far in parairi davart con ditg che la reparatura cuzza, con bler ch'ella custa u sch'i dat ulteriuras pussaivladads da schliar il problem
  • controllar roms e parts dal schassis, frains, indrizs d’illuminaziun, rodas,  motors, mecanissem dals motos u vehichels a motor da tut gener sco quads, motos a trais rodas, bartgettas ed instradar la reparatura u midar ora tocca.
  • centrar rodas (mirar ch'ellas sa volvian regularmain) controllar profils da pneus
  • controllar rulleras dal chau dal guvernagl, pedaleras, axas ed autras parts moviblas e las unscher
Reparatura
  • reparar e centrar las rodas, montar e demontar pneus, controllar la pressiun da l'aria dils pneus
  • dar aria e modernisar ils frains
  • controllar l'aviader, il chargiader, l'enviader sco er tocca dal motor sco cilinder, carburatur e ventils ed als midar sche necessari
  • demontar e prender in ord l'auter il motor ed il mecanissem, nettegiar, reparar ed als puspè montar
  • controllar e remplazzar indrizs electrics ed electronics sco illuminaziun e battarias
  • examinar motos reparads e far in gir da prova
  • exequir giavischs spezials da la clientella, p.ex. tar il design
  • enconuscher tecnicas da resgiar, buglir u tagliar bain crennadiras
  • administrar il magasin da tocs da reserva
  • resguardar las prescripziuns davart la segirezza da lavur e la protecziun da l’ambient sco er la garanzia da la qualitad
Vendita
  • cussegliar la clientella tar la cumpra da motos u vehichels a motor da tut gener
  • vender accessoris sco chapellinas, giaccas da protecziun e guants
  • controllar las reservas da material, far empustaziuns e prender encunter furniziuns

Scolaziun

Basa legala

Ordinaziun federala 5-9-2011 (stan 1-2-2018)

Durada

4 onns

Furmaziun en la pratica

en in lavuratori da motos

Furmaziun en scola

1 fin 1½ dis per emna a la scola professiunala

Roms professiunals

  • mantegnair, reparar e midar roms e il rom e tocca dil schassis
  • dal accuplament, dal mecanissem la tracziun e dil propulsur
  • da cumponentas dal motor e dal sistem da management dal motor
  • dal sistem electric ed electronic da management dal vehichel
  • garantir la communicaziun interna e far diever dal linguatg tecnic correct
  • realisar giavischs da la clientella, process da lavur interns dal manaschi e mesiras davart la protecziun da l'ambient
  • utilisar e mantegnair apparaturas ed endrizzament

Maturitad professiunala

Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

Examen dad ir cun auto

Emprendists ston durant la scolaziun acquistar il permiss dad ir cun motos da la pli auta categoria

Diplom

Attestat federal da qualificaziun "mecanist / mecanista da motos AFQ"

Premissas

Furmaziun preliminara
  • temp da scola obligatoric terminà
Pretensiuns
  • inschign manual
  • enclegientscha tecnica
  • imaginaziun dal spazi
  • lavurar a moda exacta e conscienziusa
  • pazienza e perseveranza
  • senn da responsabladad
  • plaschair vi dal contact cun la clientella

Furmaziun supplementara

Curs

purschidas da 2rad Schweiz e da scolas professiunalas

Furmaziun da basa scursanida

sco mecanist / mecanista da motos pitschnas e velos AFQ u sco mecanist / mecanista da velos AFQ

Examen professiunal superiur (EPS)

maister mecanist / maistra mecanista da motos, maister mecanist / maistra mecanista da velos

Scola spezialisada superiura (SSS)

p.ex. tecnicist / tecnicista dipl. SSS construcziun da maschinas

Scola auta spezialisada (SAS)

p.ex. Bachelor of Science (SAS) en tecnica d’automobil, Bachelor of Science (SAS) en tecnica da maschinas. Tut tenor  scola auta professiunala valan autras cundiziuns d'admissiun.

Cundiziuns da lavur

Mecanists da motos lavuran savens en lavuratoris pitschens u mesauns. Pussaivel è er in engaschament tar firmas da producziun u firmas commerzialas da motos e da vehichels sumegliants a las motos.

La gronda lavur han mecanists da motos la primavaira e la stad. Ils dis da lavur en il lavuratori ed en la vendita pon esser fitg lungs. Durant l’enviern pon els sa deditgar a reparaturas pli grondas u preparar vehichels d’occasiun per la vendita. Las sururas prestadas la stad pon savens vegnir cumpensadas durant l’enviern.

Il temp da lavur correspunda per regla a las uras d’avertura dal negozi. I vegn pia er lavurà la sonda.

Ulteriuras infurmaziuns

2rad Schweiz
via da la staziun 86
chascha postala
5001 Aarau
Tel: +41 62 823 37 85
URL: www.2radschweiz.ch




orientation.ch