?global_aria_skip_link_title?

Accueil myOrientation

Me connaître - Etape 1: J'identifie mes intérêts, points forts et attentes professionnelles

Professions et formations - Etape 2: J’explore le monde des professions et des formations

Qualités requises et conditions d'admission - Etape 3: Je compare mes points forts avec les qualités requises et les conditions d'admission des métiers

Stages - Etape 4: J’explore en détail les métiers qui m’intéressent le plus

Projet professionnel - Etape 5: J’évalue mes résultats et me décide pour une profession ou une formation

Apprentissage - école - Etape 6: Recherche d'une place d'apprentissage et / ou inscription à une école

Préparation - Etape 7: Je me prépare à ma formation en entreprise ou en école

Dossier de travail - Tes résultats

Veuillez patienter...

Préparation de votre dossier myOrientation.

Déconnecté

Votre session de travail est expirée. Vous allez être redirigé sur la page d'accueil. Veuillez vous connecter à nouveau pour continuer votre session de travail.

Mecatronist / Mecatronista d’automobils AFQ

Mecatronists e mecatronistas d’automobils mainan tras controllas da sistems u lavurs da diagnosa simplas tar autos u vehichels utilitars. Els reparan il motor, la tracziun, il schassis e l'electronica.

Lavurs

Els exequeschan suandantas lavurs:

Service e controlla
  • controllar e mantegnair motors, propulsaders e schassis sco sistems da l'electrica ed electronica e sistems da segirezza e confort,  far diever da sistems sustegnids dal computer per mesirar ed examinar
  • controllar il sistem d'injecziun dal carburant cun agid d'apparats spezials ed endrizzar ils sistem
  • mesirar ils frains e controllar la tocca electronica dal vehichel, p.ex. l'assistent da franar
  • examinar il stadi dal liquid en ils sistems d'unscher, da sfradentar e da franar, midar ieli, unscher la tocca dal motor cun grass, nettegiar schassis e carossarias
  • controllar il stadi dals pneus, da la suspensiun, dals paraculps e dal manischadi, remplazzar pneus e rodas isadas, endrizzar il manischadi ed ils ventils
  • controllar l'indriz d'aria cundiziunada, ils sistem da sfradentar, dal envidader e da l'injecziun, sco er las glischs ed ils indrizs da signal ed als remplazzar sche necessari
  • mesirar la svapur e far diagnosas vid ils indrizs da dischintoxicaziun da las svapurs ed als mantegnair
  • controllar tar ils vehichels utilitars ils indrizs da cupitgar, da plunar e da chargiar u ils chars annexs
Tschertgar sbagls e far reparaturas
  • diagnostitgar disturbis, tschertgar las raschuns ed eliminar ils disturbis
  • controllar l'assistent dal automobilist, l'infotainment ed ils sistems ibrids ed electronics, midar tocs defects
  • montar e demontar il mecanissem u l'alver da tracziun, remplazzar l'accuplament
  • analisar il stan da la battaria, intercurir las raschuns per il sbassament da la tensiun, ils indrizs d'envidament, reparar  u montar las glischs e la spina da contact dal char annex
  • examinar sistems da segirezza sco ils sistem antibloccant, l'airbag u il tempomat
  • programmar u adattar ils sistems da navigaziun ed il sistem da transmissiun da datas sco il GPS, il transponder, l'ultrasun u il func
  • reparar tar vehichels utilitars ils indrizs d'auzar e chargiar, p.ex. remplazzar tocca electropneumatica
  • resguarda las prescripziuns da l'ambient e da la segirezza da lavur, dismetter il rument adattà a l'ambient

Scolaziun

Basa legala

Ordinaziun federala 12-10-2017

Durada

4 onns

Direcziuns

  • autos da persunas
  • vehichels utilitars

Furmaziun en la pratica

En in lavuratori per autos u vehichels utilitars

Furmaziun en scola

1 – 1 ½  di per emna a la scola professiunala

Roms professiunals

  • controllar e tgirar vehichels
  • midar tocca isada
  • sustegnair la procedura dal manaschi
  • controllar e reparar sistems
  • diagnosticar sistems mecatronics

Curs ordaifer il manaschi

Tar differents temas

Maturitad professiunala

Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

Examen dad ir cun auto

Emprendists acquistan il permiss dad ir cun auto per autos da persunas resp. vehichels utilitars.

Diplom

Attestat federal da qualificaziun "mecatronist / mecatronista d’automobils AFQ"

Premissas

Furmaziun preliminara
  • temp da scola obligatoric terminà
  • test da qualificaziun AGVS
Pretensiuns
  • fitg buna chapientscha tecnica
  • bun dun receptiv
  • pensar logic
  • inschign manual
  • moda da lavurar exacta e conscienziusa
  • fidadadad e senn per responsabladad
  • autonomia
  • buna demananza (contact cun la clientella)

Furmaziun supplementara

Curs

purschidas da l’Uniun professiunala svizra da l’automobil (AGVS) e da scolas professiunalas

Furmaziun da basa scursanida

mintgamai in examen en l’autra direcziun speziala suenter 1 onn pratica professiunala correspundenta

Examen professiunal (EP)

cun certificat professiunal federal:

  • diagnosticher d’automobils
  • cussegliadra da service d'automobils
  • cussegliader da vendita d’automobils
  • restauratura d'automobils
  • coordinatur da l'ufficina d'autos
  • spezialista da pneus
  • gidanter da straduns

Examen professiunal superiur (EPS)

econom da manaschi / economa da manaschi dipl. econom / economa da manaschi dipl. en interpresas d’automobils

Scola spezialisada superiura (SSS)

p.ex. tecnicher / tecnicra dipl. SSS construcziun da maschinas, tecnicher / tecnicra dipl. SSS electrotecnica

Scola auta spezialisada (SAS)

Bachelor of Science (SAS) en tecnica d’automobils e vehichels. Tut tenor scola auta professiunala valan autras cundiziuns d'admissiun.

Cundiziuns da lavur

Mecatronists d’automobils lavuran en lavuratoris per autos da persunas u per vehichels utilitars. Per regla sa spezialiseschan els sin marcas d’autos specificas.

Mecatronists d’automobils han il pli savens temps da lavur regulars cun in’emna da 5 dis, auter ch’en manaschis cun agids en cas da panna e servetschs da pichet. La branscha d'automobils sa chatta en ina midada. Novas tecnologias ( tracziuns d'electro ed autras alternativas) vegnan pli impurtantas. Las persunas da la professiun ston esser prontas da sa furmar correspundentamain. Persunas engaschadas e prontas da sa surmar supplementarmain èn dumandadas sin il martgà da lavur.

Ulteriuras infurmaziuns

Auto Gewerbe Verband Schweiz (AGVS)
Wölflistr. 5
Postfach 64
3000 Bern 22
Tel: +41 31 307 15 15
URL: www.agvs.ch




orientation.ch