Passer au titre

Vernischader / Vernischadra da carossaria AFQ

Vernischaders e vernischadras da carossaria sprizzan si lac sin surfatschas da vehichels. Els embelleschan, renoveschan e fan inscripziuns sin vehichels. Els preparan las surfatschas che duain vegnir vernischadas, maschaidan colurs e dattan si il lac.

Lavurs

Els exequeschan suandantas lavurs:

Preparaziun da las lavurs
  • examinar il stadi dal vehichel, far offertas, planisar lavurs
  • nettegiar las surfatschas (metal, materia sintetica), schliar la colur, il lac e la ruina
  • gulivar, palettar e glimar las surfatschas
  • tatgar las surfatschas che na vegnan betg dadas si lac
  • dar si lac da basa e far tractaments da corrusiun
  • dar si colur che isolescha nua ch'i fa basegn
Lavurs da vernischar
  • definir la colur cun agid dal code da colur dal vehichel u cun agid d'in fotometer spectral
  • calcular la quantitad dal lac, examinar il stadi da la colur e maschadar la colur ch'i dovra
  • dar si rasadas da lac cun la pistola da sprizzar en ina stanza libra da pulvra e bain illuminada, resguardar il temp da siar tranter las differentas rasadas
  • far maletgs decorativs sin la carossaria, p.ex. inscripziuns u dissegns
  • sientar il vehichel vernischà cun indrizs spezials u en stanzas spezialas
  • pulir, megliurar defects e far traglischar il vehichel
  • enconuscher e far diever da las perscripziuns per la segirezza da lavur e la protecziun da l'ambient, dismetter u reciclar il rument adattà a l'ambient

Scolaziun

Basa legala

Ordinaziun federala 15-5-2017 (versiun dals 1-1-2018)

Durada

4 onns

Furmaziun en la pratica

En ina vernischaria d’autos

Furmaziun en scola

1 di per emna a la scola professiunala

Cumpetenzas d'agir

  • elavuraziun da la surtratga da basa
  • determinaziun dal vernisch da basa, dal vernisch d’effect e dal vernisch da cuverta
  • exequir lavurs da creaziun e da restauraziun sco
  • exequir lavurs da finiziun
  • Curs ordaifer il manaschi

    Emprender ed exercitar a moda pratica la basa professiunala

    Maturitad professiunala

    Tar fitg bunas prestaziuns da scola po vegnir frequentà la scola da maturitad professiunala durant la furmaziun da basa.

    Diplom

    Attestat federal da qualificaziun "vernischader / vernischadra da carossaria AFQ"

Premissas

Furmaziun preliminara
  • temp da scola obligatoric terminà
  • fufragnadi cun test da qualificaziun
Pretensiuns
  • senn per creaziun, per colurs e furmas
  • persuna inschignaivla e lavurar a moda exacta
  • fidadadad
  • abilitad da lavurar en ina gruppa
  • buna sanadad (naginas allergias en connex cun chemicalias, nagin asma)
  • nagin disturbi da la vesida da colurs

Furmaziun supplementara

Curs

purschidas dal Schweiz. Carrosserieverband VSCI, da produciders per isegls spezials, da furniturs da colurs e da scolas professiunalas

Certificat da la branscha:
  • spezialist da carossaria (direcziun vernischar)
  • coordinatura da lavuratori d'autos (en la branscha da carossaria)
  • restauratur (direcziun vernischar carossarias)
  • cussegliadra da restauraziun

Examen professiunal (EP)

Cun diplom federal:

  • chef dal lavuratori (direcziun vernischar)
  • restauratura da vehichels (direcziun vernischar carossarias)

Examen professiunal superiur (EPS)

Mainafatschenta carossaria dipl.

Scola spezialisada superiura (SAS)

p.ex. Bachelor of Science SAS) en tecnica d’automobils  e vehichels. Tut tenor scola auta spezialisada valan differentas cundiziuns d'admissiun.

Spezialisaziun

sco expert / experta da donns, furmaziun supplementara tar ina societad d’assicuranzas

Cundiziuns da lavur

Vernischaders da carossaria lavuran il pli savens en vernischarias d’autos pitschnas u mesaunas u en manaschis da carossarias. Suenter ina furmaziun supplementara èsi er pussaivel da lavurar sco expert da donns per assicuranzas u sco cussegliader da clientella en in manaschi da carossarias. Intginas lavurs èn privlusas, las persunas da professiun sa vestgeschan cun vestgadira da protecziuns persunala (vestgadira, guants, mascra da fladar).

Els èn dumandads sin il martgà da lavur. Las cundiziuns da lavur vegnan regladas tras in contract collectiv da lavur.

Ulteriuras infurmaziuns

Carrosserie Schweiz
Forstackerstr. 2B
4800 Zofingen
Tel: +41 62 745 90 80
URL: www.carrosserieberufe.ch



orientation.ch