Passer au titre

Constructur / Constructura da furmas AFQ

Constructurs e constructuras da furmas fabritgeschan models, furmas e prototips surtut per l’industria da maschinas, d'aviuns, da vehichels e da cularia. Els applitgeschan tant tecnologias modernas sco era tecnicas d’elavuraziun nua ch’igl inschign manual è dumandà.

Lavurs

Els exequeschan suandantas lavurs:

Preparaziun
  • guardar e chapir dissegns en furma da datotecas da CAD (Computer Aided Design)
  • adattar las datas e far novs dissegns tenor ils giavischs da la clientella sche necessari
  • planisar il temp da lavur e calcular ils custs
  • far la planisaziun dal material, administrar l'inventari ed empustar novs materials, p.ex. materials cumponì da fibra, lain, metals u materias sinteticas diras e liquidas
Construcziun da furmas e models
  • endrizzar maschinas, er enconuscher e pudair manischar CAM (Computer Aided Manufacturing)
  • duvrar differentas tecnicas, per fabritgar furmas e models, p.ex. resgiar, glimar, tatgar, furar, laminar, fresar e storscher, enconuscher e duvrar correctamain differents materials
  • enconuscher e duvrar correctamain differents tocs en elavuraziun
  • siar, endirar e laschar sfradentar las furmas ed alura statgar la reproducziun cun quità
  • controllar la qualitad e megliurar sbagls sche necessari
  • tatgar u montar ulteriurs elements e tractar las surfatschas
  • dar vinavant ils model e prototips a las cularias u als studios da design
Mantegniment e segirezza
  • mantegnair e nettegiar maschinas, guaffens ed il plaz da lavur
  • scriver rapports da lavur, archivar la documentaziun
  • dismetter u reciclar il rument adattà a l'ambient
  • enconuscher e far diever da las perscripziuns per la segirezza da lavur e la protecziun da l'ambient

Scolaziun

Basa legala

Ordinaziun federala dals 30-10-2009 (versiun dal 1-7-2021)

Durada

4 onns

Furmaziun en la pratica

En in manaschi da construcziun da models u da furmas

Furmaziun en scola

1½ di per emna a la scola professiunala

Organisaziun da la furmaziun

  • furmaziun da basa (1./2. onn d'emprendissadi): construcziun, fabricaziun manuala, fabricaziun maschinala convenziunala da tocs en elavuraziun, basa da la construcziun CAD)
  • furmaziun en ils accents (3./4. onn d'emprendissadi): construcziun CAD extendida, elavuraziun CAM so er spezialisaziun da la construcziun da models en la cularia, construcziun da models da design, construcziun da furmas termicas, construcziun da prototips, Rapid Prototyping/ Addictive Manufacturing, construcziun da indrizs e guaffens specials, construcziun da furmas cumprimidas, svilup/ experiments/examinaziun d'elements da construcziun/  construcziun da furmas composite, fabricaziun da tocca
  • Curs ordaifer il manaschi

    Approfundar la savida

    Maturitad professiunala

    Tar fitg bunas prestaziuns da scola po vegnir frequentà la scola da maturitad professiunala durant la furmaziun da basa.

    Diplom

    Attestat federal da qualificaziun "Constructur / Constructura da furmas AFQ"

Premissas

Furmaziun preliminara
  • scola populara terminada
  • interess per geometria, matematica e dissegn tecnic
Pretensiuns
  • extendid'imaginaziun dal spazi
  • inschign manual
  • chapientscha tecnica
  • pensar analitic resp. chapir ils connexs
  • talent da dissegn (dissegn tecnic)
  • moda da lavurar exacta e conscienziusa
  • abilitad da sa concentrar, pazienza e perseveranza
  • bun dun receptiv

Furmaziun supplementara

Curs

purschidas da scolas professiunalas, da SWISS FORM ed autras associaziuns professiunalas

Spezialisaziun

p.ex. constructur CAD u fresadra CAM

Examen professiunal (EP)

spezialist da process cun certificat professiunal federal

Examen professiunal superiur (EPS)

directura da la producziun, industria dipl.

Scola spezialisada superiura (SSS)

p.ex. tecnicist dipl. SSS construcziun da maschinas, tecnicista dipl. SSS construcziun en metal

Scola auta spezialisada (SAS)

p.ex. Bachelor of Arts (SAS) en design da products e d’industria, Bachelor of Science (SAS) en tecnica da maschinas. Tut tenor scola auta spezialisada valan differentas cundiziuns d'admissiun.

Cundiziuns da lavur

Construiders da furmas lavuran surtut en manaschis da construcziun da models ed en cularias, latiers sa tracti da firmas pitschnas e mesaunas. Els han la pussaivladad da sa spezialisar en differentas direcziuns, p.ex. sco constructur, programmader CAD/CAM u fresader CAM.

Construiders da furmas han bunas schanzas sin la fiera da lavur, cunquai ch’els èn disads tras lur furmaziun extendida da lavurar cun different material, da manevrar differentas maschinas e da schliar incumbensas cumplexas.

Ulteriuras infurmaziuns

SWISS FORM – Verband Schweiz. Modellbaubetriebe
Sekretariat
6210 Sursee
Tel: +41 41 926 07 89
URL: www.swiss-form.ch



orientation.ch