Passer au titre

Constructur / Constructura da metal AFQ

Lavurs

Constructurs e constructuras da metal produceschan differentas part da metal per edifizis e las monteschan. Quai po per exempel esser fatschadas, puntanadas da metal, fanestras, ischs, tschabargals, stgalas u saivs.  La glieud da professiun fan ils tocs da metal ord parts prefabritgadas (ils uschenumnads profils) e parts ch’els han sez construì tenor mesira en il lavuratori. Alura transportan els quels als plazzals. Ultra da quai reparan e remplazzan els construcziuns da metal donnegiadas.

Els exequeschan suandantas lavurs:

En il lavuratori
  • leger il plan da construcziun da l’incumbensader
  • eleger la sort dal metal, p.ex. atschal u aluminium
  • definir ils tocs da metal tenor las indicaziuns ed ils dissegns dal biro d’inschigneria
  • mesirar e nudar exactamain la tocca
  • tagliar, fresar, furar, stanzar e glimar las plattas, travs e stangas cun maschinas
  • buglir e struvegiar ensemen las singulas parts
  • montar savas, serras ed autra ferradira e stuppadira sin il millimeter
  • surtrair las surfatscha cun colur cunter ruina
  • mantegnair ils guaffens ed l’equipament
Sin il plazzal
  • montar las parts da construcziun e gronda tocca cun agid d’ina schirella ni d’ina tschaghegna
  • far adattaziuns vid la tocca sch’i fa basegn e la fixar cun struvegiar u buglir
  • montar las fanestras ed ils ischs
  • montar tschabargals ed auters elements da la fatschada

Scolaziun

Durada

4 onns

Direcziuns

  • construcziun da metal
  • construcziun d’atschal
  • lavurs da ferrer

Furmaziun en la pratica

En in manaschi da l’industria d’atschal, da l’industria da metal u da la branscha da fanestras e fatschadas

Furmaziun en scola

1 di per emna a la scola professiunala

Furmaziun cumplaina en scola

  • Albisbrunn/ZH
  • Technische Fachschule Bern

Roms professiunals

  • economia da manaschi ed organisaziun da manaschi
  • logistica ed economia da material
  • ambient e segirtad
  • construcziun
  • fabricaziun
  • montascha
  • mantegniment da la valur
  • basas planisatoricas
  • lavurs specificas entaifer las direcziuns da spezialisaziun

Curs ordaifer il manaschi

Emprender ed exercitar a moda pratica la basa professiunala. 40 dis durant 4 onns.

Maturitad professiunala

Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

Diplom

Constructur / Constructura da metal AFQ

Premissas

Furmaziun preliminara
  • temp da scola obligatoric terminà
Pretensiuns
  • plaschair vi da l’elavuraziun da metal
  • enclegientscha tecnica
  • inschign manual
  • constituziun dal corp ferma e sauna
  • movibladad
  • naginas allergias cunter metals
  • resistenza a l’aura
  • abilitad da lavurar en in team

Furmaziun supplementara

Curs

purschidas da scolas professiunalas, da scolas spezialisadas superiuras sco era da la Federaziun svizra dals lavurers da la metallurgia e da l’uraria FLMU

Furmaziun da basa scursanida

  • constructur da metal en in’autra direcziun da scolaziun: suenter avair lavurà 1 onn en la domena specifica sto mo l’examen pratic vegnir fatgs
  • constructura da metal AFQ (entrada en il 3. onn da la furmaziun da basa)

Examen professiunal (EP)

Cun certificat professiunal federal, p.ex:
- manader da construcziun en metal, dal lavuratori e da la montascha
- constructura da metal
- spezialist da buglir

Examen professiunal superiur (EPS)

Cun diplom federal, p.ex.:
- maistra da construcziun en metal
- manader da project en construcziun en metal

Scola spezialisada superiura (SSS)

Furmaziuns en direcziuns spezialisadas parentadas, p. ex. tecnicista diplomada SSS construcziun en metal

Scola auta spezialisada (SAS)

p.ex. Bachelor of Science (SAS) en inschigneria da construcziun. Tut tenor scola auta spezialisada valan differentas cundiziuns d’admissiun.

Cundiziuns da lavur

A constructuras e constructurs da metal exequeschan impurtantas lavurs en il lavuratori ma er sin il plazzal. Intginas lavurs èn privlusas e colliadas cun canera. Perquai porta la glieud da professiun in equipament da protecziun sco egliers, chapellina, protecziun da l’udida e chalzers da segirezza. Las lavurs a montascha sin il plazzal han lieu da tutt’aura ed ils spezialists da construcziun en metal ston coordinar lur lavurs cun las lavurs dals auters lavurer e lavurantas sin il plazzal.

La gronda part dals constructurs e da las constructuras da metal lavuran en la branscha da construcziun  u da la construcziun da maschinas, en l’elavuraziun da metal ed en la construcziun da vehichels. Persunas cun in dun creativ sa pon deditgar a l’art da lavurs da ferrer  u a la concepziun da vitrinas e locals d’exposiziun. Suenter insaquants onns experientscha professiunala pon els daventar manaders spezialisads da lavuratoris e da montascha u sa far independents.

Ulteriuras infurmaziuns

AM Suisse
8027 Turitg
Tel: +41 44 285 77 77
URL: www.metall-und-du.ch




orientation.ch