Accueil myOrientation

Me connaître - Etape 1: J'identifie mes intérêts, points forts et attentes professionnelles

Professions et formations - Etape 2: J’explore le monde des professions et des formations

Qualités requises et conditions d'admission - Etape 3: Je compare mes points forts avec les qualités requises et les conditions d'admission des métiers

Stages - Etape 4: J’explore en détail les métiers qui m’intéressent le plus

Projet professionnel - Etape 5: J’évalue mes résultats et me décide pour une profession ou une formation

Apprentissage - école - Etape 6: Recherche d'une place d'apprentissage et / ou inscription à une école

Préparation - Etape 7: Je me prépare à ma formation en entreprise ou en école

Dossier de travail - Tes résultats

Veuillez patienter...

Préparation de votre dossier myOrientation.

Déconnecté

Votre session de travail est expirée. Vous allez être redirigé sur la page d'accueil. Veuillez vous connecter à nouveau pour continuer votre session de travail.

Travaux de maintenance: En raison des travaux de maintenance sur les serveurs d’orientation.ch, il faut s'attendre à des interruptions le mercredi 14 novembre entre 18h00 et 21h00.

Cunteller / Cuntellera AFQ

Cuntellers e cuntelleras fabritgeschan, gizzan e reparan tut las sorts d’utensils da tagliar sco cuntels, forschs ed instruments per l’industria, per il mastergn, il tegnairchasa ed il temp liber.

Lavurs

Cuntellers e cuntelleras èn experts per utensils da tagliar. Els fabritgeschan, gizzan e reparan per exempel cuntels e forschs per il tegnairchasa e per secturs dal temp liber, utensils professiunals sco cuntels da mazlers, cuntels da maisa u forschs per tagliar chavels, instruments chirurgics ed instruments da la tecnica dentala, nizzas e cuntels da diversas maschinas ed isegls d’iert, schlusigls da patins euv.

Incumbensas da gizzar e da reparar tutgan tar las lavurs las pli frequentas da cuntellers. En il sectur da la fabricaziun exequeschan els tant producziuns da serias sco era fabricaziuns unicas tenor ils giavischs da la clientella. Ultra da quai restaureschan els mintgatant objects d’amaturs sco veglias spadas u cuntels da chatscha.

Cuntellers lavuran principalmain cun differentas sorts d’atschal ch’els elavureschan cun utensils manuals u cun maschinas spezialas dirigidas dal computer. Per quai utiliseschan els rudellas da smerigliar, da mular e da pulir, differents barschuns, glimas, maschinas da furar, da copiar e da mular sco era pressas da stanzar e pressas da fis euv.

Cuntellers planiseschan per mintga incumbensa la metoda da fabricaziun ed ils pass da lavur, creeschan las skizzas necessarias ed ils documents necessaris, tschernan l’atschal adequat e taglian il material. Els programmeschan las maschinas e las endrizzan. Sche necessari demonteschan els la tocca en elavuraziun sco las nizzas u ils cuntels. Sinaquai furman, lutegian, gizzan e puleschan els la tocca a moda professiunala. Tar mintga pass da construcziun controlleschan els la qualitad da la tocca. A la fin mettan els puspè ensemen la tocca e nettegian l’utensil da tagliar finì.

Per la lavur da cuntellers èsi indispensabel da lavurar exact e d’avair in bun egl ed in fin sentiment. Cura ch’els utiliseschan maschinas, las controlleschan els durant l’entira producziun. Tar lavurs sco furmar, nettegiar u endirir protegian els sasezs cun vestgadira ed egliers da protecziun.

En in affar cusseglian cuntellers la clientella e vendan la rauba. Els surdattan ils utensils da tagliar a moda segira a la clientella e l’instrueschan professiunalmain.

Scolaziun

Basa legala

Ordinaziun federala 18-7-2012

Durada

4 onns

Furmaziun en la pratica

En ina cuntellaria

Furmaziun en scola

1 fin 1½ dis per emna a la scola professiunala, ensemen cun ils polimecanists / las polimecanistas AFQ (profil G u E, pretensiuns da basa resp. pretensiuns extendidas)

Roms professiunals

  • Planisaziun da las incumbensas e cussegliaziun da la clientella
  • elavuraziun d’utensils da tagliar
  • garanzia da la segirezza da lavur, da la protecziun da la sanadad e da l’ambient
  • basa tecnica
  • englais tecnic
  • tecnica da materials e da fabricaziun
  • tecnica da dissegn e da maschinas
  • electrotecnica e tecnica da regulaziun
  • projects interdisciplinars

Curs ordaifer il manaschi

Emprender ed exercitar a moda pratica la basa professiunala

Maturitad professiunala

Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

Diplom

Attestat federal da qualificaziun "cunteller / cuntellera AFQ"

Premissas

Furmaziun preliminara
  • scola populara terminada, stgalim mesaun per profil G, stgalim superiur per profil E
Pretensiuns
  • plaschair vi da l’elavuraziun da metal
  • buna e ferma constituziun
  • inschign manual
  • moda da lavurar precisa
  • perseveranza
  • naginas allegrias cunter metals, ielis u dissolvents

Furmaziun supplementara

Curs

purschidas da la Swissmechanic, da la Schweiz. Metall-Union SMU e da diversas scolas professiunalas e scolas spezialisadas

Examen professiunal superiur (EPS)

p.ex. maister / maistra d’industria

Scola spezialisada superiura (SSS)

p.ex. tecnicist diplomà / tecnicista diplomada construcziun da metal

Scola auta spezialisada (SAS)

p.ex. Bachelor of Science (SAS) en tecnica da sistems, Bachelor of Science (SAS) en tecnica da maschinas

Cundiziuns da lavur

Cuntellers lavuran en manaschis industrials che mainan per part ina stizun u en l’industria sco gizzaders u installaturs. Cun experientscha adequata pon els era lavurar sco capolavurers, schefs dal lavuratori u sa spezialisar sco fravis d’art.

Il martgà da lavur è fitg pitschen per cuntellers. Perquai vegnan purschidas mo uschè bleras plazzas d’emprendissadi sco quai ch’i vegn pli tard duvrà glieud professiunala. Per onn vegnan duas plazzas d’emprendissadi occupadas. Interessads ston s’infurmar ad uras.

Ulteriuras infurmaziuns

Verband Schweiz. Messerschmiedmeister
Hohenengasse 3
3400 Burgdorf
Tel: 034 422 23 78



orientation.ch