Lavurs
Laborantas lavuran en in dals trais suandants champs: biologia, chemia, colur e lac u textil. En il champ da biologia examineschan ellas organissems, lur cumposiziun e svilup sco era lur interacziun cun substanzas activas e l’ambient. Tar tut quai lavuran ellas cun microorganissems, cellas, plantas ed animals. Ellas gidan a perscrutar la natira e la moda da funcziun da sistems vivents sin differents nivels: sco cun agid d’organissems entirs, da culturas da cellas, d’organs isolads u da parts da cellas e biomoleculs.
Laborants en il sectur da chemia produceschan, nettegian e controlleschan la purezza chemica da substanzas activas e da products. Durant lur lavur utiliseschan els apparats ed utensils sensitivs. Els gidan a perscrutar e sviluppar substanzas activas e substanzas chemicas che vegnan duvradas en differentas branschas.
Laborantas en il champ da colur e lac sviluppeschan novas materias da liadira cun differentas caracteristicas tenor las pretensiuns da la clientella. Ellas formuleschan colurs e lac tge èn resistents ad influenzas exteriuras, che tatgan bain sin differents funds e che cumpiglian novs effects da colur. Plinavant controlleschan ellas las caracteristicas fisicalas, chemicas e mecanicas da colurs e lac.
Laborants en il champ da textil sviluppeschan substanzas colurantas e chemicalias sco era novs sistems da textil ed optimeschan products existents. Ultra da quai elavureschan els recepturas per il tractament preliminar, la stampa e l’appretura da textilias. Els intercureschan era la derivanza da defects en ils products.
Laborantas utiliseschan chemicalias, instruments da mesirar e differentas apparaturas. Per obtegnair resultats expressivs ston ellas lavurar da maniera exacta, sistematica ed igienica. Ellas giuditgeschan il decurs dals experiments e resguardan las prescripziuns davart la segirezza da lavur, la protecziun da l’ambient e la garanzia da la qualitad.
Scolaziun
Basa legala
Ordinaziun federala 25-7-2007 (stadi dal 1-1-2018)
Durada
3 onns
Direcziuns
- biologia
- chemia
- colur e lac
- textil
Furmaziun en la pratica
En labors da l’industria farmaceutica u agrochemia, da l’industria da colur u lac, da l’industria textila u en instituts da perscrutaziun
Furmaziun en scola
½ dis per emna a la scola professiunala
Roms professiunals
- basa da las scienzas natiralas
- englais
- matematica applitgada
- metodica da labors
- enconuschientschas professiunalas applitgadas
Curs ordaifer il manaschi
Tar differents temas
Maturitad professiunala
Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.
Diplom
Attestat federal da qualificaziun "laborant / laboranta AFQ"
Premissas
Furmaziun preliminara
- scola populara terminada cun autas pretensiuns
- bunas prestaziuns en biologia, chemia, fisica, matematica ed eng-lais
Pretensiuns
- interess vi da la perscrutaziun e vi da far experiments
- dun d’observaziun
- capacitad da pensar cumplessiv
- buna motorica fina
- moda da lavurar schubra ed exacta
- gronda perseveranza e pazienza
- auta fidadadad
- interess vi dal contact cun utensils electronics ed apparaturas cum-plexas
- buna sanadad e naginas allergias
- abilitad da lavurar en in team
- Tut tenor la direcziun elegida: interess vi da la perscrutaziun da fatgs e process / nagins disturbis da la vesida da colurs
Furmaziun supplementara
Curs
purschidas da firmas ed associaziuns professiunalas sco era dal Verein Weiterbildung Laborberufe
Examen professiunal superiur (EPS)
p.ex. tecnicist / tecnicista da laboratori da las scienzas natiralas cun diplom federal
Scola spezialisada superiura (SSS)
analiticher biomedicinal diplomà / analiticra biomedicinala diplomada SSS, tecnicist diplomà / tecnicista diplomada SSS textil, tecnicist diplomà / tecnicista diplomada SSS tecnica da sistems
Scola auta spezialisada (SAS)
Bachelor of Science (SAS) en chemia, Bachelor of Science (SAS) en biotecnologia, Bachelor of Science (SAS) en Life Technologies cun approfundaziun en Molecular Life Science u Life Science Technologies euv.
Cundiziuns da lavur
Laborants e laborantas lavuran cunzunt en la perscrutaziun ed en il svilup da l’industria chemica, farmaceutica, textila sco era da l’industria da colur e lac.
I dat era pussaivladads d’engaschament en clinicas universitaras u labors textils. Laborants pon era esser occupads en labors da manaschis nua ch’els segireschan la qualitad da la producziun.
Ulteriuras infurmaziuns
VSLF/USVP Verband der Schweiz. Lack- und Farbenindustrie
Rudolfstrasse 13
8400 Winterthur
Tel: +41 52 202 84 71
URL: www.lacklaborant.ch
URL: www.vslf.ch
Fachverband Laborberufe FLB
Postfach 2269
8022 Zürich
Tel: +41 31 301 77 92
URL: www.laborberuf.ch
aprentas
Ausbildungsverbund Berufliche Grund- und Weiterbildung
Mauerstr.
4002 Basel
Tel: +41 61 468 18 30
URL: www.aprentas.ch
Swiss Textiles
Textilverband Schweiz
Bildung & Nachwuchsförderung
Beethovenstr. 20
Postfach
8022 Zürich
Tel: +41 44 289 79 79
URL: www.textilberufe.ch