Accueil myOrientation

Me connaître - Etape 1: J'identifie mes intérêts, points forts et attentes professionnelles

Professions et formations - Etape 2: J’explore le monde des professions et des formations

Qualités requises et conditions d'admission - Etape 3: Je compare mes points forts avec les qualités requises et les conditions d'admission des métiers

Stages - Etape 4: J’explore en détail les métiers qui m’intéressent le plus

Projet professionnel - Etape 5: J’évalue mes résultats et me décide pour une profession ou une formation

Apprentissage - école - Etape 6: Recherche d'une place d'apprentissage et / ou inscription à une école

Préparation - Etape 7: Je me prépare à ma formation en entreprise ou en école

Dossier de travail - Tes résultats

Veuillez patienter...

Préparation de votre dossier myOrientation.

Déconnecté

Votre session de travail est expirée. Vous allez être redirigé sur la page d'accueil. Veuillez vous connecter à nouveau pour continuer votre session de travail.

Travaux de maintenance: En raison des travaux de maintenance sur les serveurs d’orientation.ch, il faut s'attendre à des interruptions le mardi 25 septembre entre 18h00 et 00h00.

Laborant / Laboranta da fisica AFQ

Laborantas e laborants da fisica fan mesiraziuns fisicalas e retschas d'experiments cun materials e sistems. Els installeschan ils indrizs experimentals e preparan, realiseschan e documenteschan ils experiments.

Lavurs

Laborantas e laborants da fisica lavuran oravant tut en laboratoris da perscrutaziun e da svilup, en instituts da controlla sco er en manaschis industrials da differentas branschas.

Laborants da fisica utiliseschan e sviluppeschan proceders per mesirar ed examinar materials e sistems sco per exempel sensurs optics ed acustics, lasers, sistems per transferir datas, proceduras d'elavurar maletgs, sistems per mesirar substanzas nuschaivlas e sistems d'alarm d'incendi, implants solars, termostats e microchips. En collavuraziun cun inschigneras ed inschigners e scienziadas e scienziads planiseschan ed installeschan els l'experiment. Els tschernan ils apparats adattads per mesirar e controllar e mesiran indizis fisicals sco temperatura, pressiun, conductivitad e radiaziun. Per part construeschan els era sezs ils apparats tecnics. Tenor basegn endrizzan els era cirquits electrics.

Laborants da fisica examineschan per exempel material da construcziun e metals ed als sviluppan vinavant. L'impurtant instrument da lavur èn ils microscops sco p.ex. microscops a glisch e microscops electronics a palpaziun. Per l'examinaziun utiliseschan els dentant er autras metodas fisicalas e chemicas. Uschia fan els controllas da qualitad, tschertgan defects da material per exempel per analisas da donns ed elavuran cundiziuns per meglierar il material ed optimar il process da producziun.

Savens dovra la procedura d'experimentar bler temp e sto vegnir exequida pliras giadas ina suenter l'autra. Laborants da fisica documenteschan ils experiments a moda precisa durant tut ils pass da lavur. Els nodan l'incumbensa, metodas, procedura e resultats, evalueschan las datas, creeschan statisticas e calculaziuns dals sbagls. Tar las incumbensas dals laborants da fisica tutgan era la tschertga da disturbis, il mantegniment e la reparatura dals indrizs da labor. Durant la lavur protegian els lur sanadad sco era l'ambient e resguardan las prescripziuns da segirezza. Nua ch'i fa basegn lavuran els cun egliers da protecziun, guants e vestgadira che protegia cunter radiaziuns.

Scolaziun

Basa legala

Ordinaziun federala 4-2-2014

Durada

4 onns

Accents

Optica, termometria, microscopia, electronica, tecnica da sensurs, analisa tecnica da maletgs, materialografia, analitica instrumentala, proceder da material e controlla, microtecnologia e nanotecnologia, tecnica da vacum, tecnica da regulaziun, construcziun, tribologia

Furmaziun en la pratica

Sin ina partiziun da perscrutaziun, svilup ni controlla

Furmaziun en scola

2 dis l'emna (1./2. onn); 1 di l'emna (3./4. onn) a la Scola professiunala generala Turitg

Roms professiunals

  • utilisar tecnicas e metodas da mesiraziun
  • tractar ed examinar materials
  • utilisar tecnologias centralas
  • englais tecnic

Curs ordaifer il manaschi

metodas da mesiraziun, instrucziun da materials, tecnicas da mesiraziun, controlla dil lavuratori, tecnicas da tatgar

Maturitad professiunala

Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

Diplom

Attestat federal da qualificaziun "laborant / laboranta da fisica AFQ"

Premissas

Furmaziun preliminara
  • scola populara terminada, per regla stgalim superiur
  • bunas prestaziuns en ils roms da la scienza natirala e da la matematica
  • bunas prestaziuns en tudestg ed englais
Pretensiuns
  • enclegientscha tecnica e scientifica
  • plaschair d'experimentar e chattar ora
  • pensar logic
  • moda da lavurar exacta e conscienziusa
  • mauns inschignus
  • pazienza e perseveranza
  • independenza e fidadadad
  • abilitad da lavurar en in team

Furmaziun supplementara

Curs

purschidas da scolas professiunalas e scolas spezialisadas superiuras

Ina furmaziun supplementara cuntinuada, en spezial cun lectura dal fatg, è indispensabla en questa professiun.

Scola spezialisada superiura (SSS)

studis parentads sco p.ex. tecnicist diplomà / tecnicista diplomada SSS electrotecnica cun approfundaziun electronica / electrotecnica resp. tecnicist diplomà / tecnicista diplomada SSS tecnica da sistems cun approfundaziun mecatronica

Scola auta spezialisada (SAS)

studis parentads sco p.ex. Bachelor of Science (SAS) en electrotecnica, en informatica, en tecnica da sistems, Bachelor of Science (FHNW) en management da projects tecnics en mecatronica etc.

Cundiziuns da lavur

Laborants da fisica lavuran en laboratoris ed en partiziuns da svilup e da producziun da manaschis industrials, en centers da perscrutaziun u en instituts da las scolas autas.

Sco persunas professiunalas multifaras han els er ina buna basa per lavurar en champs parentads sco en l'electrotecnica u en l'informatica.

Ulteriuras infurmaziuns

Cuminanza da lavur dals maisters d'emprendissadi da laborants da fisica AGLPL
c/o SPF/ETH Turitg, Cornel Andreoli
Otto-Stern-Weg 1
8093 Turitg
Tel: 044 633 32 61
URL: www.physiklaborant.ch



orientation.ch