Passer au titre

Tecnolog / Tecnologa da chemia e farmaceutica AFQ

Tecnologs e tecnologas da chemia e farmaceutica produceschan products chemics, biologics e farmaceutics. Ultra da quai surveglian els ils andaments da la producziun e fan pitschnas reparaturas als indrizs.

Lavurs

Els exequeschan suandantas lavurs

Preparar l'andament da la producziun
  • diriger e survegliar ils indrizs da fabricaziun automatisads, cun ils quals vegnan producids ed optimads medicaments, products fitosanitars e colurants sco era cosmetics
  • preparar l'andament da la producziun
  • unir las materias processualas il dretg temp e guardar ch’ils parameters sco per exempel temperatura e squitsch correspundian a las valurs fixadas en las prescripziuns
survegliar l'andament da la producziun
  • eliminar ils disturbis en l'andament da la producziun
  • controllar singuls pass processuals sco per exempel reacziun chemica, fermentaziun, furmaziun da tablettas, destillaziun, extracziun e filtraziun
  • survegliar, observar e protocollar tut ils pass da lavur
  • prender provas e las examinar cun ils indrizs d’analisa sch'i fa basegn
  • resguardar las prescripziuns davart la protecziun da la sanadad e da l’ambient sco era davart la segirezza da lavur

Scolaziun

Basa legala

Ordinaziun federala 19-8-2014 (versiun dal 1-1-2018)

Durada

3 onns

Direcziun
  • tecnologia da chemia
  • farmatecnologia
  • biotecnologia

Furmaziun en la pratica

En in manaschi d’industria che producescha e sviluppescha products chemics, agrochemics, biotecnologics, farmaceutics u cosmetics

Furmaziun en scola

1 ½  dis per emna a la scola professiunala

Roms professiunals

  • cultivar materia processuala
  • tractar funtaunas d’energia e materia processuala
  • configurar e reparar indrizs ed apparaturas
  • elavurar materia processuala a moda chemic-tecnica / biotecnica / farmaceutic-tecnologica
  • exequir process da nettegiar

Curs ordaifer il manaschi

Tar divers temas

Maturitad professiunala

Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

Diplom

Attestat federal da qualificaziun "tecnolog / tecnologa da chemia e farmaceutica AFQ"

Premissas

Furmaziun preliminara
  • temp da scola obligatoric terminà
Pretensiuns
  • interess vi da matematica, chemia e fisica
  • enclegientscha tecnica
  • inschign manual
  • bun dun d‘observaziun
  • fidadadad
  • perseveranza
  • moda da lavurar exacta
  • flexibilitad
  • abilitad da lavurar en in team
  • abilitad da lavurar sut squitsch
  • buna sanadad

Furmaziun supplementara

Curs

purschidas d’interpresas, dad «aprentas» sco er da scolas professiunalas e d’associaziuns professiunalas

Examen professiunal (EP)

p. ex. tecnolog / tecnologa da chemia

Scola spezialisada superiura (SSS)

tecnicist diplomà / tecnicista diplomada en la tecnica da sistems cun approfundaziun en tecnica farmaceutica e chemica

Scola auta spezialisada (SAS)

Bachelor of Science (SAS) en chemia, resp. Bachelor of Science (FHNW) en Molecular Life Sciences u Life Science Technologies cun approfundaziun en tecnica farmaceutica u medicinala, Bachelor of Science (HES-SO) en Life Technologies, Bachelor of Science (ZFH) en biotecnologia, Bachelor of Science (ZFH) en inschigneria da l‘ambient

Cundiziuns da lavur

Tecnologs da chemia e farmaceutica lavuran en differents manaschis d’industria, p. ex. da l’industria da chemia, agrochemia, biotecnologia u cosmetica.

Ils implants èn per ordinari en funcziun da tuttas uras e pretendan perquai lavur en squadras. La purschida da plazzas d’emprendissadi correspunda circa a la dumonda. Spezialmain en las regiuns da Basilea e dal Vallais datti bleras pussaivladads da lavurar en manaschis gronds. En autras regiuns datti cunzunt interpresas pitschnas e mesaunas.

Ulteriuras infurmaziuns

aprentas
Mauerstr.
4002 Basel
Tel: 061 696 18 30
URL: www.aprentas.ch

scienceindustries
Nordstr. 15
Postfach
8021 Zürich
Tel: 044 368 17 11
URL: www.scienceindustries.ch

SCV - Schweizerischer Chemie- und Pharmaberufe Verband
Postfach 509
4005 Basel
Tel: 079 688 08 91
URL: www.cp-technologe.ch

Revista professiunala:
"ChemieXtra"



orientation.ch