Accueil myOrientation

Me connaître - Etape 1: J'identifie mes intérêts, points forts et attentes professionnelles

Professions et formations - Etape 2: J’explore le monde des professions et des formations

Qualités requises et conditions d'admission - Etape 3: Je compare mes points forts avec les qualités requises et les conditions d'admission des métiers

Stages - Etape 4: J’explore en détail les métiers qui m’intéressent le plus

Projet professionnel - Etape 5: J’évalue mes résultats et me décide pour une profession ou une formation

Apprentissage - école - Etape 6: Recherche d'une place d'apprentissage et / ou inscription à une école

Préparation - Etape 7: Je me prépare à ma formation en entreprise ou en école

Dossier de travail - Tes résultats

Veuillez patienter...

Préparation de votre dossier myOrientation.

Déconnecté

Votre session de travail est expirée. Vous allez être redirigé sur la page d'accueil. Veuillez vous connecter à nouveau pour continuer votre session de travail.

Tecnolog / Tecnologa da palpiri AFQ

Tecnologas e tecnologs da palpiri AFQ produceschan palpiri e chartun a moda industriala. Els dirigian las maschinas basadas sin computers, surveglian la producziun, controlleschan la qualitad e mantegnan ils indrizs.

Lavurs

Tecnologas e tecnologs da palpiri lavuran en grondas hallas da maschinas da fabricas da palpiri. Els produceschan da tuttas sorts palpiri sco era chartun e furneschan uschia il material da basa per gasettas, palpiri da scriver, stgatlas, bancnotas, bigliets, stgarnuzs, emballadis, serviettas u faziels da nas. Per la producziun als stattan a disposiziun las pli modernas maschinas dirigidas dal computer.

Las materias primas principalas per la producziun da palpiri èn palpiri vegl e laina. Or da quellas vegn fatga in'uschenumnada pasta da lain e cellulosa che vegn utilisada vinavant. Cun agid dal fegl d’incumbensa che tutga tar mintga palpiri e chartun che vegn producì, calculeschan ils tecnologs da palpiri las quantitads necessarias da la materia prima ed auxiliara e las preparan per l’elavuraziun. Silsuenter produceschan els ina maschaida bletscha da cellulosa, materia auxiliara ed aua che vegn numnada en il linguatg professiunal buglia da fibras. Quella vegn svidada en la maschina da palpiri, nua ch’il material vegn crivlà, smatgà, sientà e silsuenter zuglià sin grondas rollas. A la fin nettegian ils tecnologs da palpiri las maschinas cun nettegiaders a pressiun auta e las preparan a moda svelta e cumpetenta per la proxima producziun. Il material che vanza vegn dismess a moda adattada a l'ambient.

Tecnologs da palpiri surveglian cuntinuadamain tut ils pass da lavur en la producziun per pudair eliminar immediat eventuals disturbis. Ultra da quai legian els giu regularmain las datas mesiradas e las nodan en ils protocols. En il labor dal manaschi examineschan els las emprovas cun agid d’utensils spezials. Els controlleschan ch’il palpiri u il chartun haja la qualitad giavischada, per exempel ch’el saja suffizientamain resistent, haja la spessezza necessaria u saja adattà per scriver.

Suenter avair producì il palpiri al perfecziuneschan ils tecnologs da palpiri per part. Els guliveschan e megliereschan la surfatscha u cuvran ella cun ina surtratga. Silsuenter taglian els las rollas da palpiri en formats pli pratics ed adattads als basegns da la clientella ed embelleschan il palpiri.

Scolaziun

Basa legala

Ordinaziun federala 17-8-2011

Durada

3 onns

Furmaziun en la pratica

En ina fabrica da palpiri u da chartun en Svizra

Furmaziun en scola

2 -3 blocs d’instrucziun da 4 fin 8 emnas en il Center da palpiri a Gernsbach, Germania. Ils custs per il viadi e l'alloschi surpiglia il manaschi d’emprendissadi.

Roms professiunals

  • basas fundamentalas da chemia, fisica, tecnica da maschinas ed electrotecnica
  • preparaziun da la materia
  • producziun da palpiri, chartun e chartun ondulà

Maturitad professiunala

Fitg bunas prestaziuns da scola permettan da frequentar durant u suenter la furmaziun fundamentala ils curs da la scola professiunala a Gernsbach, Germania. Il certificat è la premissa per pudair frequentar furmaziuns supplementaras a l’exteriur vischin.

Diplom

Certificat d’examen tudestg «tecnolog / tecnologa da palpiri» (renconuschì en l’Europa). L’examen professiunal ha lieu a la scola da creaders da palpiri a Gernsbach, Germania. Ulteriur diplom: "tecnolog / tecnologa da palpiri AFQ"

Premissas

Furmaziun preliminara
  • scola populara terminada, per regla il stgalim mesaun u il pli aut stgalim da scola
  • bunas prestaziuns en matematica ed en ils roms da la scienza natirala
Pretensiuns
  • enclegientscha tecnica
  • inschign manual
  • moda da lavurar exacta
  • bun dun d‘observaziun
  • abilitad da lavurar en in team
  • robustadad corporala

Furmaziun supplementara

Curs

purschidas da l’agen manaschi sco era purschidas dal Center da palpiri a Gernsbach, Germania, u dal Center da furmaziun Steyrermühl, Austria.

En Svizra na datti nagina furmaziun supplementara per tecnica da palpiri. Numerusas pussaivladads datti dentant sin champs parentads sco la stampa, l'emballadi, la chemia, la gestiun, euv.

Furmaziuns supplementaras a l'exteriur

  • maister / maistra d’industria direcziun elavuraziun da palpiri, producziun da palpiri u elavuraziun da materia sintetica al Center da palpiri a Gernsbach, Germania
  • tecnicist / tecnicista direcziun tecnica da palpiri en diversas scolas spezialisadas superiuras (SSS) en la Germania ed en l’Austria
  • inschigner diplomà / inschignera diplomada en tecnica da proceder cun approfundaziun en tecnica da palpiri a l’Universitad tecnica da Dresden
  • Bachelor en tecnica da palpiri e proceder  a la Scola auta spezialisada per scienzas applitgadas a Minca resp. a l’Universitad tecnica da Graz

Cundiziuns da lavur

Tecnologs da palpiri lavuran en fabricas da palpiri e da chartun, però er en manaschis da furniziun sco per exempel en l’industria da chemia, da fieuter e da recicladi. Ultra da quai pon els vegnir engaschads da producents da maschinas da palpiri. Per gronda part vegn producì da di e da notg durant set dis l'emna. Perquai fan tecnologs da palpiri lavur da squadra. La purschida da plazzas d’emprendissadi è gronda.

Ulteriuras infurmaziuns

Associaziun svizra dals patruns dals fabricants da palpiri ASPI
Bergstr. 110
8032 Turitg
Tel: 044 266 99 21
URL: www.papiertechnologe.ch

Revista professiunala:
"Papiermacher-BG"



orientation.ch