Accueil myOrientation

Me connaître - Etape 1: J'identifie mes intérêts, points forts et attentes professionnelles

Professions et formations - Etape 2: J’explore le monde des professions et des formations

Qualités requises et conditions d'admission - Etape 3: Je compare mes points forts avec les qualités requises et les conditions d'admission des métiers

Stages - Etape 4: J’explore en détail les métiers qui m’intéressent le plus

Projet professionnel - Etape 5: J’évalue mes résultats et me décide pour une profession ou une formation

Apprentissage - école - Etape 6: Recherche d'une place d'apprentissage et / ou inscription à une école

Préparation - Etape 7: Je me prépare à ma formation en entreprise ou en école

Dossier de travail - Tes résultats

Veuillez patienter...

Préparation de votre dossier myOrientation.

Déconnecté

Votre session de travail est expirée. Vous allez être redirigé sur la page d'accueil. Veuillez vous connecter à nouveau pour continuer votre session de travail.

Travaux de maintenance: En raison des travaux de maintenance sur les serveurs d’orientation.ch, il faut s'attendre à des interruptions le mardi 25 septembre entre 18h00 et 00h00.

Constructur / Constructura AFQ

Constructurs e constructuras realiseschan ensemen cun inschigners ideas e products per il mintgadi. Els concepeschan tocca singula e gruppas da construcziun per utensils ed indrizs da producziun. Els elavureschan dissegns da construcziun e documents tecnics al computer.

Lavurs

Constructurs e constructuras lavuran en manaschis da l’industria da maschinas, da metal e da l’electroindustria (industria da MEM). Els s’occupeschan cun il svilup, la midada e la construcziun da tocs singuls, gruppas da construcziun e da products da mintgadi.

Els sviluppeschan e modelleschan apparats mecanics, electrics ed electronics, maschinas ed implants sco era guaffens ed indrizs da producziun. Sche per exempel in nov etui per telefonins, in spoiler per in auto da sport u in nov design per in favugn èn giavischads, gidan els da far quels products. Sper quels svilups da products novs tutgan savens era lavurs da midada da construcziuns existentas tar ils pensums da constructurs. En tut las fasas dal process da construcziun lavuran els stretg cun autras persunas dal fatg.

Per chattar soluziuns sa basan constructurs sin carnets da duairs che cuntegnan ils pensums principals davart la funcziun, la producziun, la qualitad ed ils custs. En cas da necessitad procuran els per autras infurmaziuns. Els elavureschan in concept ensemen cun ils inschigners, sviluppaders ed incumbensaders responsabels. Els discuteschan differentas pussaivladads dad ademplir ils giavischs da la clientella, las pretensiuns tecnicas e da resguardar las normas. Ils emprims sbozs vegnan per ordinari fatgs a maun.

Uschespert che constructurs han elegì ina soluziun adequata sviluppeschan els dissegns da construcziun tridimensiunals al computer cun l’agid da programs CAD. Els fan calculaziuns necessarias e nodan la furma geometrica, la massa, las toleranzas ed indicaziuns davart la structura da la surfatscha ed ils materials sin ils plans. Sin basa da quels documents po vegnir construì in prototip. Sche quel è cuntentaivel elavurescha la glieud da professiun ils dissegns definitivs per la producziun da seria, ils documents tecnics cun las datas da producziun e la glista da tocca.

Constructurs elavureschan documents per la producziun, la montascha, la funcziun ed il mantegniment dad apparats, maschinas ed implants. Sper ils dissegns da construcziun cuntegnan quels era descripziuns da products, datas tecnicas sco era directivas per il diever ed il mantegniment.

Scolaziun

Basa legala

Ordinaziun federala 3-11-2008

Durada

4 onns

Furmaziun en la pratica

En in manaschi da l’industria da maschinas, da metal e da l’electroindustria (industria da MEM. En ils emprims 2 onns da furmaziun han lieu la scolaziuns da basa e la scolaziun supplementara. En il 3. e 4. onn ha lieu ina concentraziun sin minimum dus champs d’activitad dal manaschi.

Furmaziun en scola

1-2 dis per emna a la scola professiunala

Roms professiunals

  • basa tecnica (matematica, informatica, tecnica d’emprender e da lavurar, fisica)
  • englais tecnic
  • tecnica da material e da fabricaziun
  • tecnica da dissegn e da maschinas
  • electrotecnica e tecnica da regulaziun
  • projects interdisciplinars

Curs ordaifer il manaschi

Emprender ed exercitar las basa professiunala en la pratica

Maturitad professiunala

Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

Diplom

Attestat federal da qualificaziun "constructur / constructura AFQ"

Premissas

Furmaziun preliminara
  • scola populara terminada, stgalim da scola superiur u mesaun cun bunas prestaziuns
  • bunas prestaziuns en geometria, matematica e fisica
Pretensiuns
  • interess vi da relaziuns tecnicas e mecanica
  • enclegientscha tecnica
  • enclegientscha per correlaziuns abstractas
  • bun’imaginaziun spaziala
  • mauns inschignaivels per ina lavur exacta
  • moda da lavurar exacta e conscienziusa
  • pazienza, perseveranza ed abilitad da sa concentrar
  • plaschair vi da la lavur al computer
  • abilitad da lavurar en in team
  • talent d’organisar
  • fidadadad

Furmaziun supplementara

Curs

purschidas da scolas spezialisadas e professiunalas, d’associaziuns professiunalas e da la Swissmem Kaderschule e da Swissmechanic/VMTW

Examen professiunal (EP)

cun certificat professiunal: p.ex. spezialist / spezialista d’automatica, spezialist / spezialista da process, commerziant tecnic / commerzianta tecnica

Examen professiunal superiur (EPS)

maister / maistra d’industria

Scola spezialisada superiura (SSS)

p.ex. tecnicist diplomà / tecnicista diplomada SSS construcziun da maschinas (cun approfundaziun en tecnica da construcziun), tecnicist diplomà / tecnicista diplomada SSS electrotecnica

Scola auta spezialisada (SAS)

tar furmaziun preliminara adequata, p.ex. Bachelor of Science (SAS) en tecnica da maschinas, en electrotecnica u en mecatronica

Cundiziuns da lavur

Constructurs lavuran cunzunt en manaschis da l’industria da maschinas, da metal e da l’electroindustria (branscha da MEM). In’occupaziun en biros d’inschigneria u en administraziuns publicas è era pussaivla.

Las schanzas da chattar in engaschament sin il martgà da lavur èn per constructurs relativamain bunas.

Ulteriuras infurmaziuns

Swissmem Berufsbildung
Brühlbergstr. 4
8400 Winterthur
Tel: 052 260 55 00
URL: www.swissmemberufsbildung.ch
URL: www.tecmania.ch



orientation.ch