Lavurs
Lur lavurs èn las suandantas:
Preparar projects
- controllar ils plans da l'edifizi che vegn construì u renovà
- mussar soluziuns a l'incumbensadra e la cussegliar a tscherner sistems ed apparats
- determinar las pretensiuns e las mesiras exactas da las installaziuns resguardond las prescripziuns da segirezza
Elavurar plans da project
- far ils plans da distribuziun per differents sistems, per exempel per l'illuminaziun, la communicaziun, ils sistems da segirezza e d'alarm
- dimensiunar lingias e cabels sco er definir ils lieus ed ils dumbers da las bischlas da contact e da las clavellas
- elavurar – cun agid d'ina software da dissegn e da design – ils plans detagliads per la montascha, ils encablaments e las colliaziuns dals indrizs electrics
- dumandar offertas a firmas d'installaziuns electricas
- far offertas
- controllar quints
Realisar projects
- survegliar e controllar il progress da las lavurs da construcziun e l'installaziun dals indrizs durant las differentas fasas
- garantir, ch'in project vegnia realisà tenor ils plans ed ils termins sco er tenor las normas e las prescripziuns vertentas
- sa participar a las discussiuns cun represchentantas e represchentants da las differentas gruppas professiunalas sin il plazzal e coordinar las lavurs
- organisar tests e la messa en funcziun dals indrizs
- organisar l'introducziun per las utilisadras ed ils utilisaders
- far la documentaziun finala cun tut las infurmaziuns impurtantas sco l'instrucziun d'utilisaziun e las cumprovas da segirezza
Scolaziun
Durada
4 onns
Furmaziun pratica
En in biro d'inschigneria, en ina firma d'installaziuns electricas u en in'ovra electrica. La furmaziun cumpiglia er in praticum d'installaziun da 6 mais sin in plazzal (2 mais per onn d'emprendissadi durant ils emprims 3 onns d'emprendissadi).
Furmaziun en scola
1 fin 2 dis per emna en la scola professiunala spezialisada
Roms professiunals
- preparar ils process d'electroplanisaziun
- projectar las installaziuns electricas
- far publicaziuns
- crear ils documents d'execuziun
- terminar ils projects d'electroplanisaziun
Curs ordaifer il manaschi
emprender, approfundar ed exercitar las basas professiunalas, 36 dis durant 4 onns
Maturitad professiunala
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Diplom
Electroplanisader / Electroplanisadra AFQ
Premissas
Furmaziun preliminara
- terminà la scola obligatorica
- tscherts manaschis pretendan tests da qualificaziun
Pretensiuns
- imaginaziun tridimensiunala
- pensar abstract e logic
- chapientscha tecnica
- moda da lavurar fitg exacta e conscienziusa
- talent organisatoric
- gronda abilitad da lavurar en in team
- demananza curtaschaivla, abilitad da communitgar
- nagin disturbi da vesair colurs: las colurs dals cabels ston pudair vegnir differenziadas
Furmaziun supplementara
Curs
purschidas da federaziuns professiunalas, da scolas professiunalas spezialisadas, d'instituts tecnics e dad EIT.swiss
Emprendissadi supplementar
Electroplanisaders / Electroplanisadras pon per regla far ina furmaziun professiunala da basa scursanida da 2 onns sco Electroinstallatur / Electroinstallatura AFQ.
Examen professiunal (EP)
cun attestat professiunal federal, per exempel:
- Electricist / Electricista mainaproject planisaziun
- Electricist / Electricista mainaproject installaziun e segirezza
- Mainaproject automatisaziun d'edifizis
Examen professiunal superiur (EPS)
Per exempel:
- Expert / Experta d'electroplanisaziun dipl.
- Expert / Experta d'installaziun e segirezza electrica dipl.
Scola spezialisada superiura (SSS)
studis en secturs spezialisads parentads, per exempel:
- Tecnicist / Tecnicista d'electrotecnica dipl. SSS
- Tecnicist / Tecnicista da tecnica d'edifizis dipl. SSS
Scola auta spezialisada (SAS)
Studis en secturs parentads, per exempel bachelor of science en electrotecnica u en tecnica d'edifizis / energia. Tut tenor la scola auta spezialisada valan differentas cundiziuns d'admissiun.
Cundiziuns da lavur
Electroplanisadras ed electroplanisaders collavuran stretgamain cun architectas, inschigners sco er planisadras spezialisadas. Mintgatant ston ellas ed els sa cunvegnir cun autoritads. Sin il plazzal collavuran ellas ed els cun electroinstallaturs. Ellas ed els èn activs tant en biro sco er sin il plazzal, nua ch'ellas ed els surveglian e controllan las lavurs. Ils temps da lavur èn regulars.
Electroplanisadras ed electroplanisaders lavuran en biros d'inschigneria, en firmas d'installaziuns electricas ed en ovras electricas. Cun dapli experientscha pon ellas ed els surpigliar posiziuns da cader, per exempel sco manader da project u manadra d'in biro da planisaziun. Perquai che las installaziuns electricas en tut ils geners d'edifizis daventan pli e pli impurtantas, èn persunas spezialisadas dumandadas sin il martgà da lavur.
Ulteriuras infurmaziuns
EIT.swiss
8005 Zürich
URL: www.eit.swiss