Accueil myOrientation

Me connaître - Etape 1: J'identifie mes intérêts, points forts et attentes professionnelles

Professions et formations - Etape 2: J’explore le monde des professions et des formations

Qualités requises et conditions d'admission - Etape 3: Je compare mes points forts avec les qualités requises et les conditions d'admission des métiers

Stages - Etape 4: J’explore en détail les métiers qui m’intéressent le plus

Projet professionnel - Etape 5: J’évalue mes résultats et me décide pour une profession ou une formation

Apprentissage - école - Etape 6: Recherche d'une place d'apprentissage et / ou inscription à une école

Préparation - Etape 7: Je me prépare à ma formation en entreprise ou en école

Dossier de travail - Tes résultats

Veuillez patienter...

Préparation de votre dossier myOrientation.

Déconnecté

Votre session de travail est expirée. Vous allez être redirigé sur la page d'accueil. Veuillez vous connecter à nouveau pour continuer votre session de travail.

Geomaticher / Geomaticra AFQ

Geomatichers e geomaticras mesiran parcellas, edifizis ed entiras cuntradas. Els analiseschan las datas relevadas e las transponan al computer en plans, chartas e documents. Lur zona d’acziun sa differenziescha tut tenor l’accent da la scolaziun.

Lavurs

Geomatichers e geomaticras èn responsabels per lavurs tecnicas da mesiraziun en la construcziun auta e bassa. Els releveschan, structureschan e visualiseschan infurmaziuns relativas al spazi. Cun agid da quellas infurmaziuns elavureschan els plans e chartas u mettan ensemen datas e graficas. Tut segund l’accent da scolaziun èn els spezialisads en la mesiraziun uffiziala, la geoinformatica u la cartografia.

En la mesiraziun uffiziala releveschan u defineschan geomatichers la posiziun exacta da cunfins da la parcella, edifizis, vias e mirs. Els mesiran il terren cun agid d’apparats che sa basan sin computers e satellits sco per exempel tachimeters u sistems da navigaziun (GPS). Per quai determineschan els puncts fixs, mesiran differenzas d’autezza, calculeschan e marcheschan puncts exacts. Las mesiraziuns gidan a determinar la proprietad funsila. Sin basa da quellas mesiraziuns pon geomatichers actualisar ils plans per il register funsil. Quellas datas e quels plans pon per exempel esser ina basa per las planisaziun e las dumondas da construcziun d’architects.

En la geoinformatica mesiran geomatichers sezs il terren sch’i fa da basegn. La plipart dal temp lavuran els dentant al computer cun programs spezialisads da mesiraziun e cun programs da CAD e SIG. Els enconuschan la basa da la registraziun da datas e pon valitar ils differents proceders. Els pon analisar ed interpretar adattadamain las datas che sa resultan. Els evalueschan las geodatas cun agid dals sistems d’informatica menziunads e preschentan ils resultats en la furma giavischada. Uschia furman els il fundament per la planisaziun dal territori e la planisaziun da construcziun sco era per decisiuns da la politica e da la societad.

En la cartografia creeschan geomatichers tant chartas topograficas (p.ex. chartas naziunalas) sco chartas tematicas (p.ex. chartas davart l’aviatica). Per far quellas lavurs sa basan els sin models da cuntrada existents, sin fotografias ord l’aria e sin basas scientificas. Las geodatas vegnan analisadas, generalisadas e modelladas cun l’agid da programs da SIG, CAD e programs da layout. Els han la finamira da preschentar ed avrir las datas da maniera simpla e da furnir la basa per novas scuvertas e decisiuns. Noss mund sa mida d’in cuntin, perquai ston geomatichers renovar las chartas regularmain.

Scolaziun

Basa legala

Ordinaziun federala  7-10-2009

Durada

4 onns

Accents

  • mesiraziun uffiziala
  • geoinformatica
  • cartografia

Furmaziun en la pratica

mesiraziun uffiziala e geoinformatica: en in biro d’inschigneria, en in uffizi da mesiraziun u en in’ovra (electrica, idraulica euv.) / cartografia: en l’Uffizi federal da topografia naziunala swisstopo a Wabern u en l’Uffizi federal da statistica a Neuschatel

Furmaziun en scola

Curs da bloc 10 emnas per onn d’emprendissadi a la Baugewerbliche Berufsschule Zürich BBZ

Roms professiunals

  • registrar datas
  • elavurar datas
  • emetter datas
  • realisar standards da lavur e qualitad

Curs ordaifer il manaschi

Tar differents temas

Maturitad professiunala

Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

Diplom

Attestat federal da qualificaziun "geomaticher / geomaticra AFQ"

Premissas

Furmaziun preliminara
  • scola populara terminada
  • bunas prestaziuns en matematica ed informatica
Pretensiuns
  • bun’imaginaziun dal spazi
  • patratgar logic
  • sperta capacitad cumprensiva
  • bun dun d’observaziun
  • moda da lavurar disciplinada, fitg exacta e conscienziusa
  • talent d’organisar
  • cunzunt per l’accent da la mesiraziun uffiziala: plaschair vi da la lavur en il liber resp. esser resistent a l’aura
  • cunzunt per l’accent geoinformatic: interess vi da l’informatica
  • cunzunt per l’accent cartografic: senn per la creaziun sco era buna capacitad da distinguer colurs e buna vesida damanaivel

Furmaziun supplementara

Curs

purschidas da scolas spezialisadas e professiunalas sco era d’associaziuns professiunalas

Examen professiunal (EP)

tecnicist / tecnicista da geomatica cun certificat professiunal federal

Scola spezialisada superiura (SSS)

p.ex. tecnicist diplomà / tecnicista diplomada SSS planisaziun da construcziun, tecnicist diplomà / tecnicista diplomada SSS informatica, tecnicist diplomà / tecnicista diplomada SSS per l’economia da medias

Scola auta spezialisada (SAS)

p.ex. Bachelor of Science (SAS) en geomatica, Bachelor of Science (SAS) en planisaziun dal territori, Bachelor of Science (SAS) en informatica, Bachelor of Arts (SAS) en communicaziun visuala

Cundiziuns da lavur

Geomatichers lavuran en uffizis da mesiraziun da vischnancas, chantuns u da la Confederaziun sco era en biros da mesiraziun e d’inschigneria privats. L’offerta da plazzas d’emprendissadi sa differenziescha da regiun tar regiun, ella è dentant en general plitost pitschna. Cunzunt en il sectur da cartografia datti mo paucas plazzas d’emprendissadi per onn. Il sectur da la geoinformatica è dentant fitg dumandà, ins po spetgar cun dapli plazzas d’emprendissadi en il proxim temp. Las circumstanzas sin il martgà da lavur èn bunas. Geomatichers chattan en general senza problems ina plazza da lavur.

Ulteriuras infurmaziuns

Baugewerbliche Berufsschule Zürich BBZ
Abt. Planung und Rohbau
Lagerstr. 55
Postfach
8090 Zürich
Tel: 044 297 24 24
URL: www.bbzh.ch

geosuisse - Schweizerischer Verband für Geomatik und Landmanagement
SIA-Fachverein
Kapellenstrasse 14
Postfach 832
4501 Solothurn
Tel: 058 796 99 61
URL: www.geosuisse.ch

Verband der Fachleute Geomatik Schweiz FGS
Zentralsekretariat
Flühlistr. 30 B
3612 Steffisburg
Tel: 033 438 14 62
URL: www.pro-geo.ch

Schweizerische Gesellschaft für Kartografie SGK
Sekretariat
Institut für Kartografie und Geoinformation, ETH Hönggerberg
Stefano-Franscini-Platz 5
8093 Zürich ETH-Hönggerberg
Tel: 044 633 30 31
URL: www.geomatikausbildung.ch
URL: www.kartografie.ch

Trägerverein Geomatiker/in Schweiz
Mühlentalstrasse 185
8200 Schaffhausen
Tel: 052 630 26 39
URL: www.berufsbildung-geomatik.ch

Revista scientifica:
"Geomatik Schweiz"



orientation.ch