Professiun

Polimecanista AFQ
Polimecanist AFQ

Correspunda questa professiun a mai?

Maschinen

Mikrotechnik, Uhren

Durada

4 onns

Terminaziun

Eidgenössisches Fähigkeitszeugnis EFZ

Recumandaziuns davart il salari

1. onn d’emprendissadi: CHF 570–615.–
2. onn d’emprendissadi: CHF 750–815.–
3. onn d’emprendissadi: CHF 985–1065.–
4. onn d’emprendissadi: CHF 1170–1265.–

Sco polimecanista u polimecanist sviluppas e fas ti utensils, elements da construcziun, maschinas ed indrizs che derivan da materials sco atschal, aluminium e materias sinteticas. Per quest intent utiliseschas ti utensils, maschinas ed indrizs da CNC. Tar tias incumbensas tutgi da montar, da metter en funcziun e da reparar apparats, maschinas, roboters ed auters indrizs da producziun industrials.

Nossa tip

Lehrstellenbewerbung Candidarsi per un posto di apprendistato

Incumbensas

Planisar projects e sviluppar prototips

analisar las incumbensas da la clientella a maun da dissegns, prescripziuns u skizzas
ensemen cun il biro tecnic sviluppar projects e documents da producziun al computer
far glistas da material, planisar las uras da producziun e calcular ils custs
far offertas cun indicaziuns tecnicas, pretschs e termins da furniziun
producir, montar ed empruvar prototips
scriver instrucziuns da diever e documentaziuns tecnicas

Producir products e diriger indrizs da producziun

tscherner u producir utensils
organisar andaments da producziun
crear programs per maschinas dirigidas dal computer (CNC), giustar e testar maschinas
controllar la qualitad e la dimensiun da las parts producidas, curreger sbagls
survegliar ed optimar ils indrizs da producziun
scolar collavuraturas e collavuraturs per la producziun

Montar, metter en funcziun, mantegnair e reparar maschinas

leger ed applitgar plans da montascha
montar maschinas ed apparats, p.ex. buglir u struvegiar
producir colliaziuns mecanicas, electricas u talas che funcziunan cun aria cumprimida
testar e metter en funcziun indrizs
installar las maschinas tar la clientella
mantegnair e reparar las maschinas ed ils apparats en il lavuratori u tar la clientella

Ambient da lavur

Sco polimecanista u polimecanist lavuras ti suletta u sulet ubain en pitschens teams. Tias uras da lavur èn regularas, tut tenor la plazza datti er lavur da squadra. Durant la lavur portas ti vestgadira da protecziun sco guants u egliers da protecziun.

Ti lavuras en in da blers secturs da l'industria da maschinas, d’electricitad e da metal, p.ex. en l'industria da chemia u da victualias, en la tecnica medicinala, en l'aviatica u tar producents d'ascensurs. En interpresas pitschnas accumpognas ti savens l'entir process da producziun. En grondas interpresas lavuras ti per il solit en partiziuns spezialisadas sco il svilup, la producziun u il servetsch da clientella. Cun experientscha professiunala pos ti surpigliar incumbensas directivas. Grazia a tia vasta scolaziun pos ti vegnir engaschada u engaschà per las lavurs las pli differentas. Perquai has ti bunas schanzas sin il martgà da lavur. Per tegnair pass cun il svilup tecnologic stos ti adina puspè ta perfecziunar.