Professiun

Practicista da mecanica AFP
Practicist da mecanica AFP

Maschinen

Mikrotechnik, Uhren

Durada

2 onns

Terminaziun

Eidgenössisches Berufsattest EBA

Recumandaziuns davart il salari

1. onn d’emprendissadi: CHF 570–615.–
2. onn d’emprendissadi: CHF 750–815.–

Sco practicista u practicist da mecanica produceschas ti elements da construcziun per maschinas ed apparats. Ti elavuras materialas sco tola, aluminium, atschal u materia sintetica. Per quest intent dovras ti differents utensils e differentas maschinas. Silsuenter mettas ti ensemen ils elements da construcziun ad apparats, maschinas ed indrizs. Ti exequeschas simplas lavurs da producziun e gidas a montar e mantegnair.

Nossa tip

Lehrstellenbewerbung Candidarsi per un posto di apprendistato

Incumbensas

Fabritgar elements da construcziun

endrizzar plazza da lavur e maschinas
elavurar tocs, p.ex. cun volver, fresar, furar, stanzar u storscher
producir elements cun maschinas dirigidas dal computer (CNC)
producir e controllar las parts d'apparat electricas u electronicas tenor instrucziun
tractar u raffinar elements cun chalur
producir products da seria vi d'indrizs da producziun

Controllar, montar e metter en funcziun elements da construcziun

metter ensemen parts cun buglir u struvegiar
metter ensemen tocs u gruppas d'elements ad apparats u maschinas e metter en funcziun quels
controllar, sche las maschinas funcziunan

Survegliar e mantegnair las maschinas ed ils indrizs

survegliar maschinas ed indrizs
far lavurs da mantegniment
remplazzar las parts defectas
dismetter ecologicamain ruments, sco ieli vegl, aua da sfradentar u stalizzas

Ambient da lavur

Sco practicista u practicist da mecanica lavuras ti en lavuratoris cun differents utensils, indrizs e differentas maschinas. E ti portas in equipament da protecziun correspundent sco egliers da protecziun e guants. Ti lavuras sut instrucziun da persunas spezialisadas sco polimecanistas u constructurs d'indrizs e d'apparats. Tes temps da lavur èn regulars.

Ti lavuras cunzunt en manaschis da l'industria da maschinas, d'electricitad e da metal, p.ex. en l'industria d'uras, d'armament, da farmazia u da victualias. Savens ta spezialiseschas ti per in tschert gener da producziun. La purschida da plazzas d'emprendissadi è buna. Suenter la scolaziun chattas ti per regla in engaschament.