Accueil myOrientation

Me connaître - Etape 1: J'identifie mes intérêts, points forts et attentes professionnelles

Professions et formations - Etape 2: J’explore le monde des professions et des formations

Qualités requises et conditions d'admission - Etape 3: Je compare mes points forts avec les qualités requises et les conditions d'admission des métiers

Stages - Etape 4: J’explore en détail les métiers qui m’intéressent le plus

Projet professionnel - Etape 5: J’évalue mes résultats et me décide pour une profession ou une formation

Apprentissage - école - Etape 6: Recherche d'une place d'apprentissage et / ou inscription à une école

Préparation - Etape 7: Je me prépare à ma formation en entreprise ou en école

Dossier de travail - Tes résultats

Veuillez patienter...

Préparation de votre dossier myOrientation.

Déconnecté

Votre session de travail est expirée. Vous allez être redirigé sur la page d'accueil. Veuillez vous connecter à nouveau pour continuer votre session de travail.

Poligraf / Poligrafa AFQ

Poligrafs e poligrafas creeschan ed elavureschan texts e maletgs per las medias stampadas e per las medias electronicas. Els procuran per in layout exact al computer e mettan las datas en ina furma pronta per squitschar resp. per reproducir.

Lavurs

Saja quai cudesch, broschura u gasetta quotidiana, website, trailer u app: poligrafs e poligrafas guardan che medias stampadas u medias da screen hajan in layout plaschaivel e ch’ellas sajan avant maun en la dretga furma da datas per l’elavuraziun ulteriura. Cun questas lavurs furman els la colliaziun tranter creaziun e producziun. Els preparan vi dal computer texts, maletgs, graficas ed illustraziuns uschia ch’els èn senza sbagls, structurads a moda survesaivla ed uschia ch’els persvadan esteticamain. Ultra da quai èn els responsabels che las datas sappian vegnir squitschadas senza sbagls u ch’ellas sappian vegnir preschentadas sin in monitur. Tut tenor accent principal sa fatschentan els cun l’elavuraziun da medias stampadas u medias da screen.

Poligrafs planiseschan lur lavur tut tenor ils giavischs ed ils basegns da la clientella u sin basa da corporate designs dads avant e fixeschan las specificaziuns creativas. Tenor las reglas tipograficas e creativas elavuran els publicaziuns confurm als basegns da las medias: Els plazzeschan ils elements da text, decidan davart scrittiras e grondezzas da scrittiras sco er distanzas e ladezzas tranter las lingias, fan graficas ed elavuran maletgs. Tenor prescripziuns realiseschan els per exempel pictograms, logos ed icons. Texts e maletgs elavurads mettan els ensemen tar in product final consistent e fixeschan las impaginaziuns. Plinavant fan poligrafs correcturas grammaticalas ed ortograficas vi dal text. Suenter van els per il "bun per stampa" respectivamain il "bun per la producziun".

Poligrafs elavuran datas electronicas cun programs da layout e d’elavuraziun da maletgs spezials. Or da las singulas paginas creeschan els l’entira furma da stampar. A la fin fan els copias da controlla e tramettan las datas, sch’ellas èn en urden, en la stamparia u vinavant en l’elavuraziun ulteriura interna. Els archiveschan las datas uschia ch’ellas stattan a disposiziun per ulteriurs dievers, pia per exempel ch’ils cuntegns d’ina broschura pon era vegnir utilisads per ina versiun d’internet.

En il center dal mintgadi da poligrafs stat la lavur vi dal computer. Ina rolla impurtanta gioga dentant er la collavuraziun en il team sco er il contact cun la clientella e cun autras persunas dal fatg da la producziun da medias. Ils svilups tecnologics pretendan da la glieud da professiun plinavant ina furmaziun supplementara cuntinuanta ed in’egliada averta per trends actuals.

Scolaziun

Basa legala

Ordinaziun federala 22-10-2013

Durada

4 onns

Accents

  • medias stampadas
  • medias da screen

Furmaziun en la pratica

En manaschis grafics, ateliers da grafica, agenturas da reclama, tar manaders dal servetsch multimedia

Furmaziun en scola

1 di e mez per emna a la scola professiunala

Roms professiunals

  • determinar las specificaziuns creativas
  • crear e preparar publicaziuns confurm als basegns da las medias
  • applitgar l’emprima lingua naziunala
  • applitgar la segunda lingua naziunala
  • garantir la segirezza da la lavur, da la protecziun da la sanadad e da la protecziun da l’ambient
  • Curs ordaifer il manaschi

    Tar differents temas

    Maturitad professiunala

    Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

    Diplom

    Attestat da qualificaziun "poligraf / poligrafa AFQ"

Premissas

Furmaziun preliminara
  • scola populara terminada, per regla stgalim da scola superiur
Pretensiuns
  • senn per furmas e colurs
  • flair per la creaziun
  • bun’imaginaziun
  • plaschair vi da la lavur al computer
  • bun dun receptiv
  • bun sentiment per l’emprima lingua
  • e per la segunda lingua naziunala
  • pazienza e perseveranza
  • moda da lavur exacta ed autonoma
  • abilitad da differenziar colurs

Furmaziun supplementara

Curs

purschidas da scolas professiunalas e spezialisadas, da scolas autas per creaziun ed associaziuns professiunalas

Examen professiunal (EP)

cun certificat professiunal federal: tipograf / tipografa per la communicaziun visuala, tecno-poligraf / tecno-poligrafa, commerziant / commerzianta da tipografia, correctur / correctura

Examen professiunal superiur (EPS)

manager / managera da publicaziun cun diplom federal, manader / manadra da fatschenta cun diplom federal

Scola spezialisada superiura (SSS)

tecnicher / tecnicra dipl. SSS medias

Scola auta spezialisada (SAS)

Bachelor of Science (SAS) en  inschignera da medias, Bachelor of Arts (SAS) en communicaziun visuala

Cundiziuns da lavur

Poligrafs lavuran dapertut là nua che vegnan preparadas ed elavuradas medias stampadas e medias da screen: manaschis da preparaziun per la stampa, stamparias, ateliers da grafica, agenturas da reclama e tar manaders da servetsch multimedia sco er partiziuns correspundentas e manaschis pli gronds.

Grazia a lur furmaziun sin differents champs pon poligrafs lavurar en differents secturs.

Ulteriuras infurmaziuns

Paritätische Berufsbildungsstelle für visuelle Kommunikation PBS
Speichergasse 35
Postfach 520
3000 Bern 7
Tel: 031 372 28 28
URL: www.pbs-opf.ch

Viscom, Schweiz. Verband für visuelle Kommunikation
Berufsbildung Schweiz
Speichergasse 35
Postfach 678
3000 Bern 7
Tel: 058 225 55 00
URL: www.viscom.ch

Revista professiunala:
"Viscom print & communication"



orientation.ch