Accueil myOrientation

Me connaître - Etape 1: J'identifie mes intérêts, points forts et attentes professionnelles

Professions et formations - Etape 2: J’explore le monde des professions et des formations

Qualités requises et conditions d'admission - Etape 3: Je compare mes points forts avec les qualités requises et les conditions d'admission des métiers

Stages - Etape 4: J’explore en détail les métiers qui m’intéressent le plus

Projet professionnel - Etape 5: J’évalue mes résultats et me décide pour une profession ou une formation

Apprentissage - école - Etape 6: Recherche d'une place d'apprentissage et / ou inscription à une école

Préparation - Etape 7: Je me prépare à ma formation en entreprise ou en école

Dossier de travail - Tes résultats

Veuillez patienter...

Préparation de votre dossier myOrientation.

Déconnecté

Votre session de travail est expirée. Vous allez être redirigé sur la page d'accueil. Veuillez vous connecter à nouveau pour continuer votre session de travail.

Travaux de maintenance: En raison des travaux de maintenance sur les serveurs d’orientation.ch, il faut s'attendre à des interruptions le mardi 25 septembre entre 18h00 et 00h00.

Practicist / Practicista da textilias AFP

Practicists e practicistas da textilias lavuran vi da la fabricaziun da products textils per tarpuns, mobiglias, sumbrivals, bandieras, raits e products sumegliants. Els fan diever da las maschinas e surveglian la producziun dals materials textils.

Lavurs

Practicists e practicistas da textilias lavuran en filandarias, tessarias, manaschis da lavurs da stgaina ed auters manaschis da l’industria da textilias e da vestgadira. Els gidan a fabritgar products textils e d’als far pront per il diever (confecziunar).

Tut tenor il manaschi produceschan practicistas da textilias differents products: En tessarias èn quai per exempel tarpuns u surtratgas da sezs per bus, trens ed aviuns. En manaschis da lavurs da stgaina fabritgeschan ellas taila per t-shirts, vestgadira sut u chaltschiels. En manaschis da confecziun fan ellas raits per plazzas da gieu, filters per la tecnica da medischina u tastgas per autras incumbensas da clients.

Practicistas da textilias van per la materia prima en il deposit e la controlleschan. Ellas installeschan indrizs ed apparats ed als muneschan. Maschinas da colurar emplainan ellas cun meds da colurar e meds auxiliars. Sinaquai avieschan ellas las maschinas.

Practicistas da textilias surveglian la producziun dals products textils. Tar in disturbi san ellas reagir. Ellas fan attenziun da furnir provediment da material e da betg smerdar ils products textils.  A la fin controlleschan ellas ils products finids e repareschan sbagls, sch’i fa da basegns.

Practicistas da textilias emballeschan ils products, tatgan si etichettas e magasineschan la rauba professiunalmain. Ultra da quai nettegian ellas las maschinas e fan attenziun a lur funcziunament.

Practicistas da textilias enconuschan las directivas davart l’allontanament da chemicalias e dal rument. Ellas resguardan adina las prescripziuns davart la segirezza da la lavur e davart la protecziun da la sanadad e da l’ambient.

Scolaziun

Basa legala

Ordinaziun federala 8-7-2014

Durada

2 onns

Accents

  • Fabricaziun da products textils
  • Confecziun da textilias tecnicas

Furmaziun en la pratica

En in manaschi da l’industria da textilias

Furmaziun en scola

1 di per emna a la scola professiunala

Roms professiunals

  • calculaziuns professiunalas
  • fibra, surfatschas textilas e fabricats textils
  • chemicalias e meds auxiliars textils; chadaina da fabricaziun textila
  • provas e controllas vi da textilias; descripziun da la qualitad
  • tecnica da colliaziun, materials, utensils e maschinas
  • prescripziuns e mesiras davart la segirezza da la lavur e la protecziun da la sanadad e da l’ambient
  • Curs ordaifer il manaschi

    Emprender ed exercitar a moda pratica la basa professiunala

    Diplom

    Attestat federal professiunal "practicist / practicista da textilias AFP"

Premissas

Furmaziun preliminara
  • scola populara terminada
Pretensiuns
  • inschign manual
  • plaschair vi da textilias
  • senn per furmas e colurs
  • perseveranza e pazienza

Furmaziun supplementara

Curs

purschidas da la Schweizerische Textilfachschule STF

Tecnolog / Tecnologa da textilias AFQ

Sut tschertas cundiziuns pon practicistas da textilias AFP frequentar ina furmaziun scursanida sco tecnologas da textilias AFQ (entrada al 2. onn da furmaziun da basa).

Suenter quai han ellas las medemas pussaivladads da furmaziun supplementara sco tecnologas da textilias AFQ.

Cundiziuns da lavur

Practicistas da textilias lavuran en manaschis da filandaria / suernaria, da la tecnica da sugas e d’auzar, en tessarias / manaschis da lavurs da stgaina (cun tailas na tessidas sco vlies) ed en manaschis da confecziun u en interpresas da nobilisaziun. Tut tenor il manaschi èn las maschinas en funcziun da tuttas uras e pretendan da persunas qualifitgadas lavur en squadras.

Ulteriuras infurmaziuns

Swiss Textiles Textilverband Schweiz
Beethovenstr. 20
Postfach
8022 Zürich
Tel: 044 289 79 79
URL: www.textilberufe.ch




orientation.ch