Accueil myOrientation

Me connaître - Etape 1: J'identifie mes intérêts, points forts et attentes professionnelles

Professions et formations - Etape 2: J’explore le monde des professions et des formations

Qualités requises et conditions d'admission - Etape 3: Je compare mes points forts avec les qualités requises et les conditions d'admission des métiers

Stages - Etape 4: J’explore en détail les métiers qui m’intéressent le plus

Projet professionnel - Etape 5: J’évalue mes résultats et me décide pour une profession ou une formation

Apprentissage - école - Etape 6: Recherche d'une place d'apprentissage et / ou inscription à une école

Préparation - Etape 7: Je me prépare à ma formation en entreprise ou en école

Dossier de travail - Tes résultats

Veuillez patienter...

Préparation de votre dossier myOrientation.

Déconnecté

Votre session de travail est expirée. Vous allez être redirigé sur la page d'accueil. Veuillez vous connecter à nouveau pour continuer votre session de travail.

Travaux de maintenance: En raison des travaux de maintenance sur les serveurs d’orientation.ch, il faut s'attendre à des interruptions le jeudi 9 juillet entre 12h00 et 12h15

Cheramicher / Cheramicra AFQ

Cheramicras e cheramichers s’occupan da la fabricaziun da products cheramics. Els concepeschan e realiseschan purschidas che correspundan als basegns dal martgà sin ils champs d’applicaziun design da products ed art.

Lavurs

Cheramicras concepeschan e produceschan cheramica da diever, cheramica da construcziun ed objects da l’art liber. Cun planisar e realisar ils products cumbinan ellas cumpetenzas creativas, manualas e tecnicas. Plinavant experimenteschan ellas cun tecnicas da furmar, da crear surfatschas e da brischar.

Cun concepir novs products s’occupan cheramichers dals basegns dal martgà. Els rimnan infurmaziuns en connex cun il product planisà, evalueschan questas infurmaziuns e las documenteschan. Sch’els sa participeschan ad ina concurrenza da cheramica d’art u sch’els aspiran ad in’incumbensa, guardan els da preschentar bain lur ovras. Cun tecnicas da preschentaziun adattadas visualiseschan els lur products e formuleschan ils cuntegns en scrit.

Per preparar ils products tschernan cheramicras ils materials adattads e calculeschan la quantitad da la materia prima che vegn duvrada. Ellas fan in plan da lavur, drizzan en il lieu da lavur tenor intent e preparan ils instruments da lavur e las maschinas. Per pudair identifitgar problems da producziun s’occupan ellas da dumondas tecnologicas e fan ina producziun da pilot.

La fasa da realisaziun cumpiglia il dar la furma, il crear surfatschas, il sientar, il brischar e la permanenta controlla da qualitad. Cheramichers vesan sbagls d’elavuraziun e curregian tenor basegn ils singuls pass da lavur.

Per pudair vender bain lur products, observan cheramicras il martgà ed emprovan da sentir ils trends. Ellas sviluppan ina strategia da far reclama e da vender ch’è concepida per il product e sa posiziuneschan sin il martgà. Ellas sa participeschan regularmain ad occurrenzas ch’èn relevantas per la professiun e stgaffeschan uschia ina rait professiunala.

Cheramichers liquideschan cuntinuadamain las lavurs administrativas actualas. Els administreschan il magasin da material, cumpran materia prima, calculeschan ils pretschs da producziun da products ed evalueschan ils pretschs da vendita. En il mintgadi professiunala quotidian resguardan els adina las prescripziuns en connex cun la segirezza da la lavur e la protecziun da l’ambient.

Scolaziun

Basa legala

Ordinaziun federala 1-6-2010

Durada

4 onns

Furmaziun en la pratica

  • En in manaschi da cheramica
  • En ina classa professiunala per cheramica ad ina scola d'art applitgà (scolaziuns a temp cumplain a Berna, Genevra u Vevey

Furmaziun en scola

1 ½ di per emna a la scola professiunala

Roms professiunals

  • concepir projects
  • realisar projects
  • preschentar e far reclama
  • manar il lavuratori
  • Curs ordaifer il manaschi

    Emprender ed exercitar a moda pratica la basa professiunala

    Maturitad professiunala

    Fitg bunas prestaziuns da scola permettan da frequentar la scola da maturitad professiunala durant la furmaziun da basa.

    Diplom

    Attestat federal da qualificaziun "cheramicher / cheramicra AFQ"
    Absolvents ed absolventas d’ina classa spezialisada per cheramica survegnan supplementarmain in diplom da scola.

Premissas

Furmaziun preliminara
  • scola obligatorica terminada cun pretensiuns mesaunas u autas
  • per las classas spezialisadas a Berna, Genevra e Vevey:
    - enconuschientschas preliminaras en art applitgà (curs creativ preliminar)
    - examen d’admissiun
Pretensiuns
  • senn exprimì per furmas e colurs
  • dun creativ e dun da dissegnar
  • buna imaginaziun dal spazi
  • abilitads da la motorica fina
  • creativitad
  • pazienza e perseveranza

Furmaziun supplementara

Curs

purschidas da scolas per art applitgà sco era da swissceramics, Associaziun cheramica svizra

Scola spezialisada superiura (SSS)

creader / creadra dipl. diplomada SSS en design da products (cun approfundaziun cheramica a l’Ecole supérieure d'arts appliqués a Vevey)

Scola auta spezialisada (SAS)

studis en direcziuns spezialas parentadas, p.ex. Bachelor of Arts (SAS) en design da products e design industrial

A l'exteriur

studi da Bachelor e Master a l’Institut für Künstlerische Keramik und Glas (IKKG) der Fachhochschule Koblenz (D)
scolaziun sco maister cheramicher / maistra cheramicra a la Staatliche Fachschule für Keramik in Landshut (D)

Cundiziuns da lavur

Cheramicras e cheramichers lavuran per il solit independentamain, quai pretenda engaschament persunal, flair iniziativ ed agens projects.

Sper la lavur en l’agen atelier datti pussaivladads da lavurar en lavuratoris protegids, en la furmaziun da creschids u en la cooperaziun al svilup.

En connex cun lur activitad professiunala creeschan els pli e pli ina rait da contacts cun persunas d’autras professiuns e tgiran raits professiunalas.

Ulteriuras infurmaziuns

Swissceramics
Assoziaziun cheramica svizra
Gerberngasse 23
3011 Berna
Tel: +41 32 622 78 16
URL: www.swissceramics.ch

Scola d'art applitgà Berna e Bienna
Schänzlihalde 31
3013 Berna
Tel: +41 31 337 03 37
URL: www.sfgb-b.ch

Centre de Formation
Professionnelle Arts Appliqués
1201 Genève
URL: edu.ge.ch/cfpaa/

Centre d'enseignement
Professionnel de Vevey
1800 Vevey
URL: www.cepv.ch/



orientation.ch