Lavurs
Independent da l'accent tutgan a la glieud da professiuns lavurs d'endrizzar, survegliar e documentar ils process da producziun cun indrizs dirigids dal computer en las hallas da fabricaziun.
Tut tenor accent exequeschan els suandantas lavurs:
Accent cheramica da construcziun
- producir serias da plattinas per pignas, cheminés, mobiglias che stgaudan sco era cheramica da construcziun per spazis dador e dadens
- dar furma a la massa da cheramica cun la cular, smatgar e furmar a maun
Accent cheramica fina
- producir artitgels sanitars sco lavabos e tualettas, vaschella, cheramica decorativa sco era plattinas da paraid e da fund
- garantir ch'il product cheramic cun glasura e cun surfatscha funcziunala adempleschia pretensiuns tecnicas, chemicas ed igienicas
Accent cheramica groppa
- producir quadrels e tievlas ord arschiglia
- producir en process automatisads ils tocs nunelavurads, laschar sientar e brischar els en lungs furns a tunnel
Accent cheramica tecnica
- producir filters da particlas e catalisaturs per motors che nettegian las svapurs dals motors da divers indrizs mobils e staziunars
Accent construcziun da models
- producir furmas per products cheramics cun agid da models da gip
Accent products da metal dir
- producir or da carbid da volfram e cobalt sco er or dad auters supplements da liaments metals dirs, che vegnian applitgads en l’industria d’automobils, l’aviatica e l’industria da maschinas
Scolaziun
Durada
3 onns
Accents
- cheramica da construcziun
- cheramica fina
- cheramica groppa
- cheramica tecnica
- construcziun da models
- producziun da metal dir
Furmaziun en la pratica
En in manaschi spezialisà en la direcziun tschernida da l’industria da cheramica
Furmaziun en scola
In di per emna a la scola professiunala spezialisada a Berna
Roms professiunals
- retschaiver e preparar las materias primas
- chapir ils process da producziun
- dumagnar ils process da lavur persunals e garantir la qualitad
- garantir la segirezza da lavur e da sanadad sco era la protecziun da l’ambient e dal mantegniment
Curs ordaifer il manaschi
Curs tar il tema "Apparats, maschinas ed indrizs per la producziun industrial-cheramica" en l'emprim onn d'emprendissadi (4 dis)
Maturitad professiunala
Fitg bunas prestaziuns da scola permettan da frequentar la scola da maturitad professiunala durant la furmaziun da basa.
Diplom
Attestat federal da qualificaziun "cheramist / cheramista d’industria AFQ"
Premissas
Furmaziun preliminara
- temp da scola obligatoric terminà
Pretensiuns
- chapientscha tecnica
- inschign manual
- abilitad da chapir connexs
- fidadadad
- abilitad da lavurar en in team
Furmaziun supplementara
Curs
purschidas da scolas spezialisadas e professiunalas spezialisadas. Ultra da quai han manaschis da l’industria da quadrels buns contacts cun manaschis en l’exteriur e pussibiliteschan il barat d’experientschas tranter ils cheramists d’industria.
Examen professiunal (EP)
p.ex. spezialista da mantegniment cun certificat professiunal federal
Examen professiunal superiur (EPS)
p.ex. manader facility management e mantegniment dipl.
Scola spezialisada superiura (SSS)
studis en champs parentads, p.ex. tecnicista dipl. SSS per process d‘interpresa
En Germania
tecnicist / tecnicista da cheramica a la Scola spezialisada superiura per la furmaziun e la tecnica da cheramica a Höhr-Grenzhausen
Cundiziuns da lavur
Suenter l’emprendissadi han cheramists e cheramistas d’industria la pussaivladad da lavurar en differents secturs industrials. Ina glista actuala dals manaschis d'emprendissadi chattan ins sin la pagina d'internet da l’Associaziun svizra da l’industria da terracotga.
Ulteriuras infurmaziuns
Industria svizra da terracotga
Chascha postala
6210 Sursee
Tel: +41 52 234 70 30
URL: www.ziegelindustrie.ch