Accueil myOrientation

Me connaître - Etape 1: J'identifie mes intérêts, points forts et attentes professionnelles

Professions et formations - Etape 2: J’explore le monde des professions et des formations

Qualités requises et conditions d'admission - Etape 3: Je compare mes points forts avec les qualités requises et les conditions d'admission des métiers

Stages - Etape 4: J’explore en détail les métiers qui m’intéressent le plus

Projet professionnel - Etape 5: J’évalue mes résultats et me décide pour une profession ou une formation

Apprentissage - école - Etape 6: Recherche d'une place d'apprentissage et / ou inscription à une école

Préparation - Etape 7: Je me prépare à ma formation en entreprise ou en école

Dossier de travail - Tes résultats

Veuillez patienter...

Préparation de votre dossier myOrientation.

Déconnecté

Votre session de travail est expirée. Vous allez être redirigé sur la page d'accueil. Veuillez vous connecter à nouveau pour continuer votre session de travail.

Construider / Construidra da gìas AFQ

Construidras e construiders da gìas mantegnan, repareschan, restaureschan e construeschan instruments ad artg. Els elavureschan il lain cun agid da splaunas, raspas e glimas. Ultra da quai vendan ed affittan els instruments ad artg ed accessoris.

Lavurs

Construidras e construiders da gìas na s’occupeschan betg mo da gìas, mabain era da violas da bratsch, cellos, cuntrabass ed auters instruments ad artg e – tut tenor atelier, nua ch’els lavuran – era d’instruments da trair sco ghitarras e lautas. En ils differents ateliers sa differenziescha era la lavur principala da construiders da gìas: ils ins èn spezialists da restaurar instruments vegls, entant ch’ils auters s’occupeschan oravant tut cun la vendita, la locuziun ed il mantegniment d’instruments ad artg e lur accessoris. En ils blers ateliers da construcziun da gìas è la construcziun da gìas sco tala mo ina pitschna part da la lavur.

Construiders da gìas repareschan instruments ad artg: els remplazzan giufs ed instruments d’accordar, drizzan las claviaturas, restaureschan turnigls e collan lieus averts a l’ur. Collar sfessas, remplazzar culiezs u retuschar la vernisch dovra bler temp. Savens ston construiders da gìas era remplazzar ils chavels da l’artg.

Gìas, violas da bratsch, cellos e cuntrabass vegnan savens anc construids a maun. Maschinas vegnan utilisadas oravant tut en la fabricaziun industriala. Construiders da gìas elavuran il lain cun differents utensils: cun resgias, splaunas e cuntels a maun, cun fiers d’entagliar chavs e plats da tut las grondezzas sco era cun raspas, glimas e nizzas da trair.

Il material da lavurar il pli impurtant per construiders da gìas è il lain, cunzunt lain d’ischi da muntogna e lain da pign. Il lain d’ischi da muntogna vegn duvrà per il fund, las rischlas, il culiez ed il giuf, il lain da pign per la cuverta cun las foras da resonanza, igl instrument d’accordar ed il trav dal bass. La claviatura è fabritgada or da lain d’eben.

La cuverta ed il fund èn ad arvieut. Ils construiders da gìas als dattan la dretga grossezza e suenter als splaunan e nettegian els cun nizzas da trair. Las rischlas – las paraids lateralas dal corp da resonanza – vegnan stortas cun agid da schablonas en vapur. Construiders da gìas collan la tocca singula cun colla elavurada da chaud idrosolvibla. Uschia pon ins puspè prender dapart instruments che basegnan ina reparatura.

Construiders da gìas san sunar in instrument ad artg uschè bain ch’els pon giuditgar la qualitad acustica e tecnica d’in instrument.

Scolaziun

Basa legala

Ordinaziun federala 25-10-2016

Durada

4 onns

Furmaziun en la pratica

A la scola da construiders da gìas a Brienz (scola professiunala a temp cumplain) u en in atelier da construcziun da gìas

Furmaziun en scola

enconuschientschas professiunalas: a la scola da construiders da gìas a Brienz (instrucziun en blocs)
furmaziun generala: a la scola da la sculptura d’objects da lain a Brienz (instrucziun en blocs)
instrucziun instrumentala: tar musicists qualifitgads

Roms professiunals

  • scienza da materials
  • scienza d’utensils
  • construcziun da gìas
  • mecanica
  • acustica
  • istorgia da la musica e da la construcziun da gìas
  • scienza generala d’instruments da musica
  • teoria da musica
  • instrucziun instrumentala
  • dissegn professiunal

Curs ordaifer il manaschi

Davart differents temas

Maturitad professiunala

Fitg bunas prestaziuns da scola permettan da frequentar la scola da maturitad professiunala durant la furmaziun da basa.

Diplom

Attestat federal da qualificaziun "construider / construidra da gìas da professiun"

Premissas

Furmaziun preliminara
  • scola populara terminada cun bunas prestaziuns

La scola da construiders da gìas a Brienz pretenda che persunas interessadas absolvian ina procedura d’admissiun. La part pratica cumpiglia la lavur manuala cun lain, il dissegn ed il modellar. Ultra da quai ston ins savair sunar in instrument (da preferenza gìa, viola da bratsch u cello). Plinavant ston las persunas interessadas far ina controlla da l’udida e da la vesida, ina lavur en scrit ed in discurs d’examen.
Tgi che s’interessescha per ina furmaziun da basa duala (furmaziun simultana cun ina lavur pratica en in atelier da construcziun da gìas) sto contactar la scola da construiders da gìas a Brienz (purschidra da l’instrucziun professiunala e dals curs ordaifer il manaschi) avant che suttascriver il contract d’emprendissadi.

Pretensiuns
  • inschign manual
  • moda da lavur exacta
  • imaginaziun dal spazi
  • sentiment per furmas e colurs
  • musicalitad e bun’udida
  • abilitad da sa concentrar
  • pazienza e perseveranza
  • buna demananza

Furmaziun supplementara

Curs

purschidas da la scola da construiders da gìas Brienz sco era da l’associaziun professiunala SVGB u da purschiders a l’exteriur

Examen professiunal superiur (EPS)

Maister / maistra da construcziun da gìas

Cundiziuns da lavur

Sper l’occupaziun en in atelier da construcziun da gìas pon construiders da gìas era lavurar en ina fatschenta da musica. Construiders da gìas cun experientscha correspundenta elavuran er expertisas e parairis.

Las schanzas d’avrir in agen atelier da construcziun da gìas dependan fitg da la conjunctura.

En Svizra existan var 160 ateliers da construcziun da gìas. La purschida da plazzas d’emprendissadi è limitada.

Ulteriuras infurmaziuns

Associaziun svizra dals construiders da gìas e d’artgs SVGB
Schauenburgerstr. 37
4052 Basilea
Tel: 061 508 25 21
URL: www.geigenbauer.ch

Scola da construiders da gìas a Brienz
Oberdorfstrasse 94
3855 Brienz
Tel: 033 951 18 61
URL: www.geigenbauschule.ch




orientation.ch