Accueil myOrientation

Me connaître - Etape 1: J'identifie mes intérêts, points forts et attentes professionnelles

Professions et formations - Etape 2: J’explore le monde des professions et des formations

Qualités requises et conditions d'admission - Etape 3: Je compare mes points forts avec les qualités requises et les conditions d'admission des métiers

Stages - Etape 4: J’explore en détail les métiers qui m’intéressent le plus

Projet professionnel - Etape 5: J’évalue mes résultats et me décide pour une profession ou une formation

Apprentissage - école - Etape 6: Recherche d'une place d'apprentissage et / ou inscription à une école

Préparation - Etape 7: Je me prépare à ma formation en entreprise ou en école

Dossier de travail - Tes résultats

Veuillez patienter...

Préparation de votre dossier myOrientation.

Déconnecté

Votre session de travail est expirée. Vous allez être redirigé sur la page d'accueil. Veuillez vous connecter à nouveau pour continuer votre session de travail.

Travaux de maintenance: En raison des travaux de maintenance sur les serveurs d’orientation.ch, il faut s'attendre à des interruptions le mardi 25 septembre entre 18h00 et 00h00.

Galvanostegist / Galvanostegista AFQ

Galvanostegistas e galvanostegists elavuran surfatschas cun metodas galvanotecnicas ed autras metodas. Els resguardan las indicaziuns da l'incumbensader e surpiglian incumbensas organisatoricas sco er incumbensas da planisaziun.

Lavurs

Galvanostegistas e galvanostegists tgiran surfatschas da tocs en elavuraziun. Per questa lavur preparan els a l'entschatta ina soluziun da sal metallic, l'uschenumnà electrolit. Latiers ston els resguardar la dretga cumposiziun da las chemicalias. Suenter bognan ils galvanostegists ils objects en il liquid. Tras l'effect da current cuntinuà electric vegnan las surfatschas surtratgas p.ex. cun crom, zinc, nichel, arom, argient u aur. Questas surtratgas protegian da corrusiun, augmentan la resistenza cunter isada ed il grad da direzza, megliereschan la conductivitad e las qualitads da lutegiar u servan ad embellir objects.

Galvanostegists zincheschan struvas respectivamain vairas e surcromeschan alvers da manvella sco era ventils da motors. Ultra da quai argienteschan els elements da la tecnica d'auta tensiun e doreschan bischutaria, uras ed egliers. Plinavant rendan els conductivs elements da plastic cun dar si vernisch da conducziun e tgiran aluminium electrochemic. Cun anodisar vegn la surfatscha d'oxid protegida durablamain e sa lascha nettegiar meglier.

Per cuntanscher resultats da buna qualitad nettegian galvanostegists ils elements crivs avant la surtratga e la tgiran a moda chemica e mecanica. Suenter derschentan els ils elements. Per garantir e controllar la qualitad dovran els differents apparats da mesirar ed analisar. Latiers tutgan per exempel micrometers, microscops ed indrizs da controlla da la microstabilitad. En cas ch'i dat irregularitads prendan els las mesiras necessarias.

Galvanostegists ston resguardar las prescripziuns da segirezza resp. las prescripziuns da la protecziun da l'ambient e survegliar e mantegnair indrizs, maschinas e material.

Scolaziun

Basa legala

Ordinaziun federala 16-10-2009

Durada

3 onns

Furmaziun en la pratica

En in manaschi spezialisà en la galvanica

Furmaziun en scola

1 di l'emna a la scola professiunala

Roms professiunals

  • tecnologia
  • basa da la fisica e da la chemia
  • quints dal rom
  • enconuschientscha da materials
  • garanzia e controlla da la qualitad

Curs ordaifer il manaschi

Tar differents temas

Maturitad professiunala

Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

Diplom

Attestat federal da qualificaziun "galvanostegist / galvanostegista AFQ"

Premissas

Furmaziun preliminara
  • scola populara terminada cun bunas prestaziuns
  • bunas prestaziuns en fisica e chemia
Pretensiuns
  • interess da connexs chemics e fisicals
  • inschign manual
  • sanadad robusta
  • naginas allergias
  • movibladad corporala
  • moda da lavurar autonoma
  • fidadadad

Furmaziun supplementara

Curs

purschidas da scolas professiunalas e spezialisadas

Examen professiunal (EP)

cun certificat federal: spezialist / spezialista galvanotecnica

Scola spezialisada superiura (SSS)

p.ex. tecnicist / tecnicista dipl. SSS, direcziuns spezialas electrotecnica e construcziun en metal

Scola auta spezialisada (SAS)

Bachelor of Science (SAS) en chemia resp. Life Science, Bachelor of Science (SAS) en electrotecnica, e.u.v.

En Germania

tecnicist / tecnicista da la direcziun speziala galvanotecnica, p.ex. a Schwäbisch Gmünd, Solingen, Ilmenau u a Nürnberg

Cundiziuns da lavur

Galvanostegists lavuran en manaschis da galvanica u en partiziuns da galvanica d'interpresas da la branscha da metal prezius, d'uras, da bischutaria, da plattinas electronicas e da l'electrobranscha. Ulteriuras pussaivladads d'engaschament chattan els en il sectur da l'industria  da l'aviatica e l'astronautica, en la construcziun da maschinas, navs e vehichels, en la tecnica da precisiun, en l'industria da maschinas per la chasada, da pusada, da rauba d'argient u da stampa. Els pon er lavurar en labors da controlla e perscrutaziun.

Ulteriuras infurmaziuns

SSO Schweizer Stiftung für Oberflächentechnik
Seilerstr. 22
Postfach 5853
3001 Bern
Tel: 031 310 20 12
URL: www.sso-fsts.ch

SWISSGALVANIC Verband Schweizer Galvanobetriebe
Bahnhofstrasse 23
8956 Killwangen
Tel: 056 500 20 66
Fax: 056 401 11 42
URL: www.galvano.ch

Vereinigung Schweizerischer Verzinkereien VSV
Rösslimatte 45
6005 Luzern
Tel: 041 361 60 61
Fax: 041 361 60 62
URL: www.verzinkereien.ch

VSA-ASA Verein Schweizerischer Anodisierbetriebe
Postfach 1507
8027 Zürich
Tel: 043 305 09 82
Fax: 043 305 09 98
URL: www.vsa-asa.ch



orientation.ch