?global_aria_skip_link_title?

Accueil myOrientation

Me connaître - Etape 1: J'identifie mes intérêts, points forts et attentes professionnelles

Professions et formations - Etape 2: J’explore le monde des professions et des formations

Qualités requises et conditions d'admission - Etape 3: Je compare mes points forts avec les qualités requises et les conditions d'admission des métiers

Stages - Etape 4: J’explore en détail les métiers qui m’intéressent le plus

Projet professionnel - Etape 5: J’évalue mes résultats et me décide pour une profession ou une formation

Apprentissage - école - Etape 6: Recherche d'une place d'apprentissage et / ou inscription à une école

Préparation - Etape 7: Je me prépare à ma formation en entreprise ou en école

Dossier de travail - Tes résultats

Veuillez patienter...

Préparation de votre dossier myOrientation.

Déconnecté

Votre session de travail est expirée. Vous allez être redirigé sur la page d'accueil. Veuillez vous connecter à nouveau pour continuer votre session de travail.

Practicist / Practicista da construcziun AFP

Practicists e practicistas da construcziun lavuran sin plazzals. Els sustegnan  miradurs, miraduras ed auters spezialists da construcziun. Communablamain endrizzan els ils plazzals, fan mirs, construeschan entuladas e betuneschan paraids. A la fin nettegian els ils utensils da lavur duvrads.

Lavurs

Els exequeschan suandantas lavurs:

Preparaziun dal plazzal
  • endrizzar il plazzal ed al segirar cun barrieras e tavlas da protecziun
  • badigliar foss per la chanalisaziun, deponer il material sin mantuns e stabilisar spundas
  • metter bischens e chanalisaziuns
Lavurs da construcziun
  • preparar entuladas da lain per las lavurs da betunar per fundaments, pilasters da sustegn, paraids u autras parts da construcziun
  • montar pitgas d'atschal e las fixar tenor plans
  • preparar il betun, al derscher ed al elavurar a maun u cun maschinas
  • eriger mirs da quadrels e maulta, controllar cun ina corda da mesirar ed in livel ch’il mir stettia en lingia guliva
  • montar elements prefabritgads sco plattas, pilasters u bancs da fanestra
  • nettegiar e mantegnair guaffen e maschinas
  • enconuscher las e respectar las prescripziuns da segirezza
  • dismetter ils ruments a moda correcta, enconuscher e resguardar las perscripziuns da la protecziun dal ambient
Spazzar e renovar
  • preparar las lavurs da spazzar e renovar
  • demolir edifizis vegls e demontar stabiliments, reconstruir il stadi vegl
  • far lavurs da renovaziun tar edifizis vegls u donnegiads

Scolaziun

Basa legala

Ordinaziun federala dals 14-9-2010 (versiun dal 1-1-2018)

Durada

2 onns

Furmaziun en la pratica

En ina interpresa da construcziun

Furmaziun en scola

1 di per emna a la scola professiunala

Roms professiunals

  • basa da realisaziun
  • realisaziun
  • surveglianza da l’incumbensa
  • Curs ordaifer il manaschi

    Emprender ed utilisar en la pratica la basa dal mastergn.

    Diplom

    Attestat federal professiunal "practicist / practicista da construcziun AFP"

Premissas

Furmaziun preliminara
  • temp da scola obligatoric terminà
Pretensiuns
  • inschign manual
  • enclegientscha pratica
  • imaginaziun dal spazi
  • sanadad robusta
  • esser fit
  • avair nagina tema d’autezza
  • resistent a l‘aura
  • abilitad da lavurar en ina gruppa

Furmaziun supplementara

Curs

purschidas da scolas spezialisadas e professiunalas sco er da la Societad Svizra dals Impressaris-Constructurs

Miradur / Miradura AFQ

Practicists da construcziun AFP pon far la furmaziun scursanida sco miradur / miradura AFQ (entrada en il 2. onn da scolaziun). Silsuenter han els las medemas pussaivladads da furmaziun supplementara sco miradurs / miraduras AFQ.

Cundiziuns da lavur

Practicists e practicistas da construcziun lavuran en interpresas da construcziun. I dat manaschis pitschens fin manaschis gronds cun varga 100 collavuraturas e collavuraturs.

Els lavuran da tut aura sut tschiel avert. La stad dat i per regla dapli lavur, l'enviern pli pauc. Las cundiziun d'engaschament èn regladas tras il contract collectiv naziunal da lavur per l'industria principala da construcziun svizra ed il contracts collectivs da lavur regiunals.

Ulteriuras infurmaziuns

Schweiz. Baumeisterverband SBV
Grundbildung
Weinbergstr. 49
Postfach
8042 Zürich
Tel: +41 44 258 83 38
URL: www.bauberufe.ch



orientation.ch