?global_aria_skip_link_title?

Accueil myOrientation

Me connaître - Etape 1: J'identifie mes intérêts, points forts et attentes professionnelles

Professions et formations - Etape 2: J’explore le monde des professions et des formations

Qualités requises et conditions d'admission - Etape 3: Je compare mes points forts avec les qualités requises et les conditions d'admission des métiers

Stages - Etape 4: J’explore en détail les métiers qui m’intéressent le plus

Projet professionnel - Etape 5: J’évalue mes résultats et me décide pour une profession ou une formation

Apprentissage - école - Etape 6: Recherche d'une place d'apprentissage et / ou inscription à une école

Préparation - Etape 7: Je me prépare à ma formation en entreprise ou en école

Dossier de travail - Tes résultats

Veuillez patienter...

Préparation de votre dossier myOrientation.

Déconnecté

Votre session de travail est expirée. Vous allez être redirigé sur la page d'accueil. Veuillez vous connecter à nouveau pour continuer votre session de travail.

Travaux de maintenance: des travaux de maintenance sont prévus ou en cours sur les serveurs d’orientation.ch. Plus d'informations.

Ortulan / Ortulana da verdura AFQ

Ortulans / Ortulanas da verdura èn responsabels per l'entira producziun da verduras da la cultivaziun dal terren, la semenza, la tgira da las plantas fin a la racolta. Els cultiveschan ils legums en serras ed en il liber. Suenter la racolta preparan els las verduras per il transport e per la vendita.

Lavurs

Els exequeschan suandantas lavurs:

Planisar la cultivaziun
  • eleger sorts da legums adattadas per il terren correspundent
  • endrizzar ils ierts sut vaider
  • preparar il terren per la cultivaziun
  • far attenziun a la cultura alternanta durant la planisaziun da cultivaziun per na betg periclitar la fritgaivladad dal terren
En ils ierts sut vaider
  • trair plantinas da sems e las plantinas ch’ils ortulans da verdura han semnà sezs
  • metter las plantas uschespert che quellas èn grondas avunda en il liber
Tgirar las culturas
  • dar aua, engraschar e tgirar las plantinas
  • cumbatter a moda uschè favuraivla a l’ambient sco pussibel zerclim, parasits e malsognas
Racoltar e transportar las verduras
  • definir la data da la racolta ideala
  • racoltar ils differents legums a maun u cun agid da maschinas
  • preparar la verdura per il transport, a vendita u per il deposit
  • sortir, lavar, far giu la paletscha, tagliar ed emballar la verdura
  • lavurar cun guaffens a maun sco zappas e palas
  • utilisar maschinas sco araders e maschinas da semnar e sortir

Scolaziun

Basa legala

Ordinaziun federala 8-5-2008 (versiun dal 1.3.2017)

Durada

3 onns

Furmaziun en la pratica

En in manaschi da cultivaziun da verdura

Furmaziun en scola

Curs da bloc dad 1-6 emnas a’Inforama Seeland ad Ins

Roms professiunals

  • cultivaziun da plantas: semnar, racoltar, magasinar, preparar per la vendita; reglar e mantegnair maschinas ed utensils; chapir las relaziuns da l’economia da manaschi, da la politica, dal dretg e da la natira en il conturn professiunal
  • La furmaziun da basa po era vegnir absolvida cun il rom d’accent agricultura biologica.
  • Curs ordaifer il manaschi

    segirezza da la lavur, protecziun da la sanadad, igiena e garanzia da la qualitad, utilisaziun da vehichels idraulics e d’apparats per la protecziun da las plantas, cultivaziun da plantinas

    Maturitad professiunala

    La furmaziun en scola vegn absolvida en curs da bloc e perquai vegn la scola da maturitad professiunala frequentada en general pir suenter la furmaziun da basa.

    Diplom

    Attestat federal da qualificaziun "ortulan / ortulana da verdura AFQ"

Premissas

Furmaziun preliminara
  • temp da scola obligatoric terminà
  • cun in attestat federal professiunal (AFP) en agricultura cuzza la furmaziun  tar il ortulan / ortulana (AFQ) per regla 2 onns.
  • cun in attestat federal da qualificaziun (AFQ) en in’autra professiun agricula cuzza la furmaziun per regla 1 onn.
Pretensiuns
  • plaschair da la natira e da la lavur en il liber
  • abilitad da lavurar en ina gruppa
  • capacitad cumprensiva
  • abilitad da chapir connexs
  • enclegientscha tecnica per la lavur cun maschinas
  • senn da responsabladad
  • enclegientscha pratica
  • forza corporala
  • buna sanadad

Furmaziun supplementara

Curs

purschidas da l’Inforama ad Ins, dal Strickhof ad Au ZH u da la ZHAW a Wädenswil

Scolaziun supplementara

suenter avair terminà la furmaziun da basa po vegnir absolvida ina furmaziun scursanida dad 1 onn en in’autra professiun agricula

Examen professiunal (EP)

mainagestiun en la cultivaziun da verdura cun certificat professiunal federal u in auter examen professiunal en il sectur da l’agricultura; p. ex. ortulan / ortulana cun certificat professiunal federal

Examen professiunal superiur (EPS)

maister / maistra d’ortulans da verdura ni in auter examen professiunal superiur; p. ex. maister / maistra d’agricultura u  maister /maistra d’ortulans

Scola spezialisada superiura (SSS)

agrotecnicher / agrotecnicra SSS, commerziant agricul / commerzianta agricula SSS

Scola auta spezialisada (SAS)

Bachelor of Science (SAS) en agronomia (p.ex. cun approfundaziun en scienza da plantas) u Bachelor of Science (SAS) en l’inschigneria da l’ambient (p.ex. cun approfundaziun en l’agricultura biologica e l’orticultura)

Cundiziuns da lavur

Ortulans da verdura lavuran en manaschis da la cultivaziun da verdura ed en orticulturas, sin bains purils u en societads agriculas. Els pon era lavurar en la commerzialisaziun u sco cussegliaders en la branscha.

Ortulans da verdura lavuran tut tenor la stagiun da tutt’aura ubain en il liber ubain en serras climatisadas. Las culturas da legums dovran tgira quotidiana. Perquai ha la glieud da professiun savens temps da lavur irregulars. La chargia da lavur dependa da la stagiun e da l’aura.

La branscha spetga sfidas multifaras: products agriculs ston ademplir autas pretensiuns da qualitads ed il conturn da lavur sa mida cun la globalisaziun e la midada dal clima.

Ulteriuras infurmaziuns

OdA AgriAliForm
5201 Brugg AG
URL: www.agri-job.ch

Inforama Seeland
3232 Ins
URL: www.inforama.ch

Uniun svizra dals producents da verdura VSGP
3001 Berna
URL: www.gemuese.ch



orientation.ch