Lavurs
Lur lavurs èn las suandantas:
Sectur professiunal viticultura
- tscherner ed emplantar ina sort vit ch'è adattada e che sa venda
- procurar che las ivas madirian bain, per exempel tagliar e liar las vits, allontanar chatschs u feglia
- tegnair il terren fertil e cultivar la vigna en moda persistenta, per exempel ladar u zerclar
- survegliar las vits e proteger ellas cunter malsognas, cunter parasits e cunter l'aura sco granella u setgira
- observar la madiraziun da las ivas e valitar lur qualitad
- racoltar ed assortir las ivas, allontanar ils fustis e pressegiar ils fritgs, resguardond las reglas d'igiena
Sectur professiunal tschalers da vin
- preparar il tschaler per la vendemia, per exempel nettegiar ils butschins da vin e controllar ils utensils da lavur
- prender encunter las ivas, las assortir, allontanar ils fustis e torclar tenor metodas da l'elavuraziun da vin specificas, controllar la qualitad
- filtrar e sclerir il vin cun metodas chemicas e fisicalas
- cumponer assemblaschas, quai vul dir cumbinar il suc da differentas sorts da vits
- conservar il vin en butschins u en auters recipients, survegliar ses svilup cun far degustaziuns e, sche necessari, adattaziuns
- embuttigliar, etichettar ed emballar il vin
- destillar il suc dad ivas a vinars
Mantegnair indrizs ed edifizis
- mantegnair maschinas ed apparats da viticultura sco tractors, apparats da sprinzlar e forschs d'ortulan
- nettegiar pumpas, pressas, butschins ed auter material
- tegnair en urden locals ed apparats
Scolaziun
Durada
3 onns
Furmaziun pratica
En in manaschi da viticultura.
Furmaziun en scola
Curs da bloc da pliras emnas en la Scola professiunala spezialisada al Strickhof, Wädenswil (ZH).
Roms professiunals
- cultivar la cultira
- mantegnair e duvrar l'infrastructura tecnica
- organisar e communitgar entaifer il manaschi
- emplantar e cultivar vits
- racoltar ivas
- torclar ivas
- commerzialisar products
Curs ordaifer il manaschi
emprender, approfundar ed exercitar las basas professiunalas.
- Sectur professiunal tschaleradi: 11 dis durant 3 onns
- Sectur professiunal viticultur: 12 dis durant 3 onns
Secturs professiunals
- Viticultura
- Tschalers da vin
Maturitad professiunala
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Diplom
Spezialist / Spezialista da vin AFQ
Premissas
Furmaziun preliminara
- terminà la scola obligatorica
- intgins manaschis pretendan in examen d'admissiun
Pretensiuns
- nas e palat exprimids
- inschign manual
- moda da lavurar sistematica
- bun dun d'observar
- plaschair da vender e da cussegliar
- resistenza corporala
- resistenza a la temperatura ed a l'aura
Furmaziun supplementara
Curs
Purschidas da centers da furmaziun e da cussegliaziun agricula sco dal Center da cumpetenzas
Strickhof (ZH) u da l'Institut für Umwelt und Natürliche Ressourcen (ZHAW).
Instrucziun supplementara
Spezialist e Spezialsta da vin AFQ pon per regla far in emprendissadi scursanì en in'autra professiun agricula.
Spezialisaziun
Furmaziun supplementara sco Tschalerer / Tschalerera u Tecnicist / Tecnicista da tschaler.
Examen professiunal (EP)
Cun attest da qualificaziun federal, per exempel Mainagestiun Viticultura u Mainagestiun Tschalereria.
Examen professiunal superiur (EPS)
Per exempel Maister viticultur / Maistra viticultura u Maister tschalerer / Maistra tschalerera cun diplom federal
Scola spezialisada superiura (SSS)
Studis en roms parentads, per exempel:
- Tecnicist / Tecnicista da viticultura dipl. SSS
- Agrotecnicist / Agrotecnicista dipl. SSS
- Commerziant agricul / Commerzianta agricula dipl. SSS
Scola auta spezialisada (SAS)
studis en secturs parentads, p.ex. bachelor of science en:
- enologia
- agronomia, per exempel cun approfundaziun en scienzas da plantas ed ecologia
- inschigneria da l'ambient, per exempel cun approfundaziun en agricultura ed orticultura biologicas
Tut tenor la scola auta spezialisada valan differentas cundiziuns d'admissiun.
Cundiziuns da lavur
Spezialists e Spezialistas da vin lavuran ubain en il liber ubain endadens en il tschaler. Lur temp da lavur sa drizza tenor il ritmus da las stagiuns ed è spezialmain intensiv l'atun durant la vendemia e la producziun da vin. Regularmain èn ellas ed els en contact cun furnituras e cun clients sco gastronomas, commerziants a l'engrossa u clientella privata.
Spezialists e Spezialistas da vin lavuran independentamain u vegnan engaschads sin gronds bains da vignas, en tschalers da vin privats, tar associaziuns u martgadants da vin. La gronda part da las plazzas da lavur existan en las regiuns da viticultura. Las spezialists e spezialistas da vin pon er lavurar per organisaziuns agriculas, servetschs da cussegliaziun, staziuns da perscrutaziun u en ils fatgs da furmaziun. Suenter in pèr onns experientscha professiunala e furmaziuns supplementaras correspundentas pon ellas ed els per exempel lavurar sco maistra viticultura, sco tecnicist da viticultura u sco cumissa per products da viticultura ubain daventar independents sco proprietaris d'in tschaler da vin u d'in bain da vignas.
Ulteriuras infurmaziuns
OdML AgriAliForm
5201 Brugg AG
URL: www.agri-job.ch
Branchenverband Deutschschweizer Wein
Schloss 1
8820 Wädenswil
URL: www.weinbranche.ch
Strickhof
8820 Wädenswil
URL: www.strickhof.ch