Lavurs
Lur lavurs èn las suandantas:
Preparar lavurs d'installaziun
- leger plans tecnics
- preparar e, sche necessari, empustar material ed utensils
- depositar material sin il plazzal
- montar il provediment d'electricitad sin il plazzal
- determinar a maun dals plans, nua che bischlas da contact, clavellas u stgaffas d'interrupturs vegnan installads
Installar apparats e sistems
- bajegiar chaschas en mirs, quai èn chaschas integradas en il mir, vi da las qualas pon per exempel vegnir montadas bischlas da contact e clavellas
- metter bavrolas da lingias en palantschieus sura ed en paraids
- metter cabels, als colliar cun bischlas da contact, clavellas e stgaffas d'interrupturs resguardond las directivas tecnicas e prescripziuns da segirezza
- installar e colliar sistems da segirezza ed auters apparats electrics
Terminar installaziuns electricas
- controllar e metter en funcziun las installaziuns electricas ch'els sezs han fatg
- regular cun apparats da mesiraziun la tensiun, l'intensitad e la prestaziun dal current
- scriver rapports davart las lavurs liquidadas
Scolaziun
Durada
3 onns
Furmaziun pratica
En ina firma d'installaziuns electricas.
Furmaziun en scola
1 di per emna en la scola professiunala spezialisada
Roms professiunals
- organisar las lavurs d'installaziun
- integrar installaziuns electricas en la construcziun brutta
- installar indrizs electrics
- terminar l'installaziun electrica
Curs ordaifer il manaschi
emprender, approfundar ed exercitar las basas professiunalas, 40 dis durant 3 onns
Maturitad professiunala
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Diplom
Electricist / Electricista da montascha AFQ
Premissas
Furmaziun preliminara
- terminà la scola obligatorica
- tscherts manaschis pretendan tests da qualificaziun
Pretensiuns
- abilitad da supportar squitsch corporal
- inschign manual
- imaginaziun tridimensiunala
- moda da lavurar sistematica
- senn da responsabladad
- abilitad da lavurar en in team
- nagin disturbi da vesair colurs: las colurs dals cabels ston pudair vegnir differenziadas
- plaschair da lavurar en il liber
Furmaziun supplementara
Curs
Purschidas da federaziuns professiunalas, da scolas professiunalas spezialisadas, d'instituts tecnics e dad EIT.swiss.
Emprendissadi supplementar
Electricistas ed electricists da montascha pon frequentar per regla in emprendissadi da 2 onns sco Electroinstallatur / Electroinstallatura AFQ ubain in emprendissadi da 3 onns scoElectroplanisader / Electroplanisadra AFQ .
Spezialisaziun
Per exempel Manader / Manadra da team electro cun certificat EIT.swiss u Electricist / Electricista da manaschi (examen da l'Inspecturat federal d'installaziuns a current ferm ESTI)
Examen professiunal (EP)
Cun attestat professiunal federal, per exempel:
- Electricist / Electricista mainaproject installaziun e segirezza
- Electricist / Electricista mainaproject planisaziun
- Mainaproject automatisaziun d'edifizis
Examen professiunal superiur (EPS)
Per exempel Expert / Experta d'installaziun e segirezza electrica cun diplom federal u Expert / Experta d'electroplanisaziun cun diplom federal
Scola spezialisada superiura (SSS)
Furmaziuns en secturs spezialisads parentads, per exempel Electrotecnicist / Electrotecnicista dipl. SSS u Tecnicist / Tecnicista d'edifizis dipl. SSS.
Scola auta spezialisada (SAS)
Studis en secturs parentads, per exempel bachelor of science en electrotecnica u en tecnica d'edifizis / energia. Tut tenor la scola auta spezialisada valan differentas cundiziuns d'admissiun.
Cundiziuns da lavur
Electricistas ed electricists da montascha lavuran per il pli sin plazzals. Intginas da lur lavurs dumondan gronda forza corporala. Ellas ed els lavuran en emprima lingia en pitschens teams e savens ensemen cun electroinstallaturas sco er cun auters spezialists da tecnica d'edifizis, che instrueschan incumbensas cumplexas. Sin plazzals coordineschan ellas ed els lur lavurs cun ulteriurs mastergnants, per exempel miraduras u picturs. En chasadas privatas elimineschan ellas ed els sbagls u megliereschan installaziuns simplas.
Electricistas ed electricists da montascha lavuran en emprima lingia en firmas d'installaziuns electricas.
Indrizs electronics e tecnologics èn centrals per l'economia e per la societad. Spezialistas e spezialists da questa branscha èn perquai dumandads sin il martgà da lavur. Cun ina furmaziun supplementara pon ellas ed els surpigliar posiziuns da responsabladad e sa spezialisar.
Ulteriuras infurmaziuns
EIT.swiss
8005 Zürich
URL: www.eit.swiss