Lavurs
Lur lavurs èn las suandantas:
Calcular las lavurs
- calcular la grondezza da surfatschas e quant material ch'i dovra
- giuditgar ils fundaments e decider, tge colurs ch'èn necessarias
- stimar ils custs e scriver offertas
- empustar u maschadar colurs per survegnir il colurit giavischà
Preparar las lavurs sin il plazzal
- installar stgalas, bucs, punts e puntanadas
- montar folias da chartun u da materia sintetica e las tatgar cun bindels da colla per proteger il terren u autras parts cunter flatgs da colur
- statgar tapetas veglias, allontanar vettas da colur veglias u ruina cun spateglias, barschuns, dissolvents da colur ed auters utensils
-
emplenir foras e sfessas, allontanar grass e malgulivezzas, glimar e spulvrar
- procurar ch'il fundament saja sitg e net
Dar colur a surfatschas
- stritgar si colurs e vernischs cun penels, rollas u cun sprizzar
- applitgar tecnicas decorativas e da dissegnar e malegiar per exempel ornaments spezials
- far isolaziuns, liadira, structuras da surfatscha u decoraziuns spezialas, er elements decorativs sco figuras geometricas
- montar e tatgar tapetas, tailas u autras cuvridas
- nettegiar il plazzal, ils utensils ed il material, dismetter ils ruments en moda ecologica
- observar las prescripziuns da la segirezza da lavur e da la protecziun da l'ambient
Scolaziun
Durada
3 onns
Furmaziun pratica
en in manaschi da picturs
Furmaziun en scola
1 di per emna a la scola professiunala
Furmaziun da scola a temp cumplain
Albisbrunn, Zürich
Roms professiunals
- planisar, preparar e rapportar las lavurs
- tractar ordavant e cuvrir fundaments
- garantir la segirezza da lavur, la protecziun da la sanadad e la protecziun da l'ambient
- decorar e furmar
Curs ordaifer il manaschi
emprender, approfundar ed exercitar las basas professiunalas, 32 dis durant 3 onns
Maturitad professiunala
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Diplom
Pictur / Pictura AFQ
Premissas
Furmaziun preliminara
- terminà la scola obligatorica
Pretensiuns
- inschign manual
- chapientscha pratica
- agilitad corporala
- sanadad robusta
- senn per colurs
- naginas allergias cunter dissolvents
Furmaziun supplementara
Curs
purschidas da scolas spezialisadas e da scolas professiunalas spezialisadas sco er da l'Associaziun svizra dals interprendiders picturs e stuccaturs
Emprendissadi supplementar
Picturas e picturs AFQ pon per regla far in emprendissadi scursanì sco stuccatura-constructura u stuccatur-constructur a sitg AFQ, vernischadra u vernischader da carossaria AFQ u laboranta u laborant AFQ da la direcziun da studi colur e vernisch.
Examen professiunal (EP)
cun attestat professiunal federal, p.ex.:
- Manader / Manadra da project colur
- Artisan / Artisana da tgira da monuments
- Concepider artisan / Concepidra artisana
Examen professiunal superiur (EPS)
p.ex. Maister pictur / Maistra pictura u Expert concepider / Experta concepidra en l'artisanat cun diplom federal
Scola spezialisada superiura (SSS)
studis en roms spezialisads parentads, p.ex. Tecnicist / Tecnicista dipl. SSS en planisaziun da construcziun
Scola auta spezialisada (SAS)
studis en secturs parentads, p.ex. bachelor of arts en architectura u bachelor of science en inschigneria da construcziun. Tut tenor la scola auta spezialisada valan differentas cundiziuns d'admissiun.
Cundiziuns da lavur
Las picturas ed ils picturs lavuran la gronda part dal temp sin plazzals. En il lavuratori dattan ellas ed els si lac ad objects ch'ins po transportar facilmain sco fanestras, ischs u tocs da maschinas. Las persunas dal fatg lavuran sulettas u cun il sustegn da practicistas picturas. Ellas collavuran er cun architectas, cun manaders da construcziun sco er cun persunas d'autras professiuns manualas sco stuccaturas-constructuras a sitg, electricists u scrinarias. Las persunas da questa professiun lavuran mintgatant en il liber, nua ch'ellas èn expostas a l'aura. I capita ch'ellas lavuran en l'autezza u en lieus stretgs ubain ch'ellas èn expostas a canera e pulvra. Lur temps da lavur èn regulars.
Picturas e picturs lavuran principalmain en manaschis pitschens, ma er en manaschis mesauns e gronds. Il martgà da lavur è bun.
Ulteriuras infurmaziuns
Svizra. Federaziun dals
interprendiders picturs e stuccaturs
ASIPS
8304 Wallisellen
URL: www.diekreativenambau.ch
Infurmaziuns generalas:
URL: www.berufsberatung.ch
Tschertga da plazzas d’emprendissadi:
URL: www.berufsberatung.ch/lehrstellen