Passer au titre

Sulader / Suladra AFP

Suladras e suladers AFP construeschan e reparan vias, stradas e plazzas da crap natiral. Els mettan suladas e palantschieus da plattas da crap natiral. Els guardan che las construcziuns veglias sajan solidas e vesian or bain.

Lavurs

Preparaziun
  • leger ils plans ed ils dissegns da vias e plazs
  • preparar ils materials (p.ex. crappa da sulada, plattas da crap natiral, glera, maulta per chavas)
  • preparar ils utensils (martels, paluttas, vaiders da separaziun)
  • chargiar il material ed ils guaffens al plazzal e deponer els la a moda correcta
  • controllar, sche la rauba empustada è preschenta
  • endrizzar apparats e maschinas tenor il capolavurer e la capolavurera
  • barricadar il plazzal, installar barrieras, metter si tavlas
  • enconuscher e resguardar las mesiras da segirezza, purtar vestgadira da protecziun
Sulada
  • preparar las surfatschas, allontanar cuvridas veglias, chavar si u auzar il terren
  • allontanar aua, fermar ils fundaments cun chaltschina, stagnar il terren, metter crappa dad ur e la cementar u betunar, endrizzar deflussiuns
  • pitgar cun il martè da salaschar la crappa en il fundament da sablun e da glera
  • controllar sche l'incumbensa da la clientella ès ademplida
  • examinar cun agid d'ina corda stendida la posiziun da la crappa
  • controllar cun la latta da planar schebain la surfatscha è planiva, far correcturas sche necessari
  • emplenir las chavas e finir las lavurs da construcziun
Suenter la lavur
  • mantegnair ils apparats ed ils guaffens e far pitschnas correcturas
  • dismetter ils ruments e material vegl adattà a l'ambient
  • scriver rapports da lavur

Scolaziun

Basa legala

Ordinaziun federala 1-11-2013 (versiun dals 1-1-2018)

Durada

2 onns

Furmaziun en la pratica

En ina salascharia u en in'interpresa da construcziun per sulada e catram da crap natiral

Furmaziun en scola

Curs en bloc a la scola professiunala per la construcziun da vias da traffic: en tut 18 emnas, da quai 2 emnas furmaziun spezialisada "sulada" ad Alpnach

Roms professiunals

  • organisaziun da las lavurs e garanzia da la segirezza da lavur
  • protecziun da la sanadad e da l'ambient
  • lavurs generalas en la construcziun da vias da traffic
  • lavurs da sulada
  • Curs ordaifer il manaschi

    Emprender ed exercitar a moda pratica la basa professiunala

    Diplom

    Attest federal professiunal "sulader / suladra AFP"

Premissas

Furmaziun preliminara
  • temp da scola obligatoric terminà
Pretensiuns
  • inschign manual
  • enclegientscha tecnica
  • moda da lavurar exacta e conscienziusa
  • abilitad da lavurar en in team
  • resistenza corporala
  • sanadad robusta

Furmaziun supplementara

Curs

Purschidas da scolas spezialisadas e scolas professiunalas sco era dal center per la furmaziun professiunala da l'Associaziun svizra dals maisters suladers ad Alpnach

Salaschader / Salaschadra AFQ

Suladers pon far ina furmaziun da basa scursanida sco salaschaders AFQ (access al segund onn da la furmaziun da basa). Suenter han els las medemas pussaivladads da furmaziun supplementara sco salaschaders AFQ.

Cundiziuns da lavur

Suladers lavuran en ina salascharia u en in'interpresa da construcziun per sulada e catram da crap natiral. Savens èn quai manaschis pitschens cun paucs collavuraturs.

La stad han suladers dapli lavur. Lura ston els magari era lavurar la notg per betg impedir il traffic.

Ulteriuras infurmaziuns

Scola professiunala per constructurs da vias da traffic
Chascha postala
6210 Sursee
Tel: 041 922 26 26
URL: www.verkehrswegbauer.ch

Associaziun svizra dals maisters suladers VSP
Chascha postala
8180 Bülach
Tel: 044 860 29 84
URL: www.pflaesterer.ch

Revista professiunala:
"B. Magazin - Das Magazin für Verkehrswegbauer"



orientation.ch