?global_aria_skip_link_title?

Accueil myOrientation

Me connaître - Etape 1: J'identifie mes intérêts, points forts et attentes professionnelles

Professions et formations - Etape 2: J’explore le monde des professions et des formations

Qualités requises et conditions d'admission - Etape 3: Je compare mes points forts avec les qualités requises et les conditions d'admission des métiers

Stages - Etape 4: J’explore en détail les métiers qui m’intéressent le plus

Projet professionnel - Etape 5: J’évalue mes résultats et me décide pour une profession ou une formation

Apprentissage - école - Etape 6: Recherche d'une place d'apprentissage et / ou inscription à une école

Préparation - Etape 7: Je me prépare à ma formation en entreprise ou en école

Dossier de travail - Tes résultats

Veuillez patienter...

Préparation de votre dossier myOrientation.

Déconnecté

Votre session de travail est expirée. Vous allez être redirigé sur la page d'accueil. Veuillez vous connecter à nouveau pour continuer votre session de travail.

Mecanist / Mecanista da motos pitschnas e velos AFQ

Mecanistas e mecanists da motos pitschnas e velos reparan velos e motos pli pitschnas (tochen 125 ccm). Els surpiglian lavurs da service, cusseglian ils clients e realiseschan lur giavischs.

Lavurs

Els exequeschan suandantas lavurs:

Service
  • chattar la raschun dals problems e giuditgar il temp ch'i dovra per la reparatura, ils custs u sche autras schliaziuns dal problem èn pussaivlas.
  • controllar ils roms, ils frains, las rodas, las glischs e las rodas da velos e motos ed instradar la reparatura u midar tocca sche necessari
  • controllar motors e mecanissem da las motos pitschnas, vesair donns vid la vernisch ed instradar la reparatura u midar ora tocca.
  • centrar rodas dals motos pitschnas (mirar ch'ellas sa volvian regularmain) controllar profils da pneus
  • adattar ils frains e las glischs, nettegiar ed unscher pilotadis, ischigls u autra tocca movibla
Reparatura
  • reparar e centrar las rodas, montar e demontar pneus, controllar la pressiun da l'aria dils pneus
  • drizzar l'envidader, controllar la tocca da las chandailas
  • demontar e prender in ord l'auter il motor ed il mecanissem, nettegiar, reparar ed als puspè montar
  • nettegiar il carburatur e remplazzar l'aviader ed l'envidader da motos pitschnas sco er autra tocca da motors a dus u quatter tacts
  • controllar e remplazzar indrizs electrics ed electronics sco illuminaziun e battarias
  • examinar velos reparads e motos pitschnas reparadas e far in gir da prova
  • exequir giavischs spezials da la clientella, p.ex. tar il design
  • enconuscher tecnicas da resgiar, buglir u tagliar bain crennadiras
  • administrar il magasin da tocs da reserva
  • resguardar las prescripziuns davart la segirezza da lavur e la protecziun da l’ambient sco er la garanzia da la qualitad
Vendita
  • cussegliar la clientella tar la cumpra da velos u motos pitschnas
  • vender accessoris sco chapellinas, giaccas da protecziun e guants
  • controllar las reservas da material, far empustaziuns e prender encunter furniziuns

Scolaziun

Basa legala

Ordinaziun federala 5-9-2011 (stan 1-2-2018)

Durada

3 onns

Furmaziun en la pratica

En in manaschi da velos e da motos pitschnas

Furmaziun en scola

1 fin 1½ di l'emna a la scola professiunala

Roms professiunals

  • mantegnair, reparar e midar roms e tocca dil rom e schassis
  • da la tracziun e da cumponentas da la midada dals girs
  • da cumponentas dal motor e dal sistem da management dal motor
  • d'indrizs electrics ed electronics
  • mantegnair e reparar velos electrics
  • garantir la communicaziun interna e far diever dal linguatg tecnic correct
  • realisar giavischs da la clientella, process da lavur interns dal manaschi e mesiras davart la protecziun da l'ambient
  • utilisar e mantegnair apparaturas ed endrizzament

Curs ordaifer il manaschi

Emprender ed exercitar a moda pratica la basa professiunala

Maturitad professiunala

Fitg bunas prestaziuns da scola permettan da frequentar la scola da maturitad professiunala durant la furmaziun da basa.

Diplom

Attestat federal da qualificaziun "mecanist / mecanista da motos pitschnas e velos AFQ"

Premissas

Furmaziun preliminara
  • temp da scola obligatoric terminà
  • bunas enconuschientschas da fisica e matematica
Pretensiuns
  • inschign manual
  • enclegientscha tecnica
  • imaginaziun en il spazi
  • lavurar a moda exacta e conscienziusa
  • pazienza e perseveranza
  • senn da responsabladad
  • plaschair dal contact cun clients

Furmaziun supplementara

Curs

purschidas 2rad Svizra e da scolas professiunalas

Furmaziun da basa scursanida

2 onns furmaziun da basa sco mecanist / mecanista da motos AFQ

Examen professiunal superiur (EPS)

maister mecanist / maistra mecanista velos e motos, maister mecanist / maistra mecanista velos

Scola spezialisada superiura (SSS)

p.ex. tecnicist diplomà / tecnicista diplomada SSS construcziun da maschinas

Scola auta spezialisada (SAS)

p.ex. Bachelor of Science (SAS) en tecnica d’automobils e vehichels, Bachelor of Science (SAS) en tecnica da maschinas . Tut tenor direcziun valan autras cundiziuns d'admissiun.

Cundiziuns da lavur

Mecanists da motos pitschnas e velos lavuran savens en lavuratoris pli pitschens u lavuratoris mesauns. Plinavant èsi pussaivel da lavurar tar fabritgants u martgadants da motos pitschnas e velos.

La primavaira e la stad han ils spezialists blera lavur, lura pon ils dis da lavur en il lavuratori esser fitg lungs. L’enviern pon els sa deditgar a reparaturas pli grondas u preparar ils vehichels d’occasiun per la vendita d’occasiuns.

Il temp da lavur correspunda per regla al temp d’avertura dal negozi. I vegn pia era lavurà las sondas.

Ulteriuras infurmaziuns

2rad Svizra
via da la staziun 86
chascha postala
5001 Aarau
Tel: +41 62 823 37 85
URL: www.2radschweiz.ch



orientation.ch