Passer au titre

Pasterner / Pasternera - Pastizier / Pastiziera - Confisier / Confisiera AFP

Pasterners-pastiziers- confisiers e pasterneras - pastizieras - confisieras AFP lavuran en manaschis pitschens u en interpresas da producziun grondas. Els produceschan paun, preparan sandwichs u orneschan turtas. Suenter la lavur nettegian els ils apparats duvrads.

Lavurs

Els exequeschan suandantas lavurs:

En la pasternaria:
  • producir pasta per paun u autras raubas da pasta
  • elavurar la pasta, p.ex. tar paunins, tarscholas u cornets
  • conservar la rauba da pasta en in local da sfradentar
  • metter la rauba da pasta en il furnel e reglar la temperatura
En la conditoria ed en la confisaria:
  • preparar pastas per pettas, turtas u pastizarias
  • truschar pasta da biscuit
  • lavurar cun tschigulatta, nuschs, fritga u marzipan, producir ordlonder pralinas ed autras spezialitads
  • nettegiar ils utensils

Scolaziun

Basa legala

Ordinaziun federala 1-11-2017 (versiun dal 1.1.2018)

Durada

2 onns

Furmaziun en la pratica

En in manaschi da pasternaria-pastizaria-confisaria u en in’interpresa da producziun industriala

Furmaziun en scola

1 di per emna a la scola professiunala

Roms professiunals

  • professiun e tecnologia
  • qualitad e segirtad
  • furmar e preschentar
  • Curs ordaifer il manaschi

    Emprender ed exercitar a moda pratica la basa professiunala

    Diplom

    Attestat federal professiunal "pasterner / pasternera - pastizier / pastiziera - confisier / confisiera AFP"

Premissas

Furmaziun preliminara
  • temp da scola obligatoric terminà
Pretensiuns
  • plaschair da s’occupar cun pastizarias e dultschims
  • bun gust e bun nas
  • mauns inschignaivels
  • prontadad per temps da lavur flexibels
  • conscienza d’igiena
  • senn per l’urden
  • buna sanadad e capacitad (savens lavur en pe)
  • naginas allergias, nagins eczems e nagin asma
  • abilitad da supportar squitsch en temps hectics

Furmaziun supplementara

Curs

purschidas da la scola spezialisada Richemont a Lucerna

Pasterner / Pasternera - Pastizier / Pastiziera - Confisier / Confisiera AFQ

Pasterners / pasterneras - pastiziers / pastizieras - confisiers / confisieras AFP pon far ina scolaziun da basa scursanida sco pasterner / pasternera - pastizier / pastiziera - confisier / confisiera AFQ (access en il 2. onn da la furmaziun da basa professiunala).
Silsuenter valan las medemas pussaivladads da furmaziun supplementara sco per ils pasterners / pasterneras - pastiziers / pastizieras - confisiers / confisieras AFQ.

Cundiziuns da lavur

Pasterners-pastiziers-confisiers AFP lavuran en pasternarias, pastizarias e confisarias u en manaschis da producziun industrials da l’industria da pastizarias sco er da l’industria da dultschims. Els lavuran dentant er en chasas d’abitar publicas, ospitals sco er en manaschis d’hotels u gastronomia.

Il cumenzament da lavur è different e sa drizza tenor la grondezza dal manaschi e da la direcziun speziala. En manaschis pli gronds cun ina gronda purschida da pastizaria cumenza la glieud da professiun lur lavur, cura che auters dorman anc. Persuenter pon els nizzegiar il suentermezdi libramain. En gronds manaschis da producziun vegn savens lavurà en lavur da squadra.

Ulteriuras infurmaziuns

Schweiz. Bäcker- Confiseurmeister-Verband
3001 Bern
Tel: +41 31 388 14 14
URL: www.forme-deine-zukunft.ch

Richemont Fachschule
6006 Luzern
Tel: +41 41 375 85 85
URL: https://www.richemont.online




orientation.ch