Accueil myOrientation

Me connaître - Etape 1: J'identifie mes intérêts, points forts et attentes professionnelles

Professions et formations - Etape 2: J’explore le monde des professions et des formations

Qualités requises et conditions d'admission - Etape 3: Je compare mes points forts avec les qualités requises et les conditions d'admission des métiers

Stages - Etape 4: J’explore en détail les métiers qui m’intéressent le plus

Projet professionnel - Etape 5: J’évalue mes résultats et me décide pour une profession ou une formation

Apprentissage - école - Etape 6: Recherche d'une place d'apprentissage et / ou inscription à une école

Préparation - Etape 7: Je me prépare à ma formation en entreprise ou en école

Dossier de travail - Tes résultats

Veuillez patienter...

Préparation de votre dossier myOrientation.

Déconnecté

Votre session de travail est expirée. Vous allez être redirigé sur la page d'accueil. Veuillez vous connecter à nouveau pour continuer votre session de travail.

Lavurant / Lavuranta al tagl d‘edifizi AFQ

Lavurants e lavurantas al tagl d‘edifizi fan lavurs da tagl, perfuraziuns, separaziuns e chavas en edifizis novs e bajetgs da renovaziun. Els taglian, foran e resgian betun ed auter material da construcziun, savens cun spezials guaffens a diamant. Els demonteschan ils elements da construcziun allontanads e dismettan els en moda cumpetenta.

Lavurs

Els exequeschan suandantas lavurs:

Lavurs da preparaziun
  • leger e chapir plans
  • far mesiraziuns e las nudar confurm a la scala
  • marcar ils elements da construcziun che vegnan allontanads cun agid da nivels u apparats da laser
  • preparar las maschinas ed ils guaffens necessaris sco resgias, taraders e sugas
  • endrizzar il plaz da lavur,  resguardar las mesiras da segirezza, p.ex. montar barrieras e tavlas u segirar palancas
Lavurs da resgiar e furar
  • fixar las posiziun exactas nua ch'ils tagls per portas, fanestras, ascensurs, burals da ventilaziun ed auters chanals ston vegnir fatgs
  • preparar pumpas e deflussiuns d'aua, sco er indrizs da protecziun encunter pulvra ed aua
  • maschinas e guaffens per l'elavuraziun da betun, sco p.ex. per montar, endrizzar e manischar resgias, fresas e sugas cun segments da diamants
  • survegliar d'in cuntin il progress e la qualitad da las lavurs
lavurs da spazzar e rumir
  • spazzar ils edifizis cumplettamain u parzialmain cun differentas maschinas e duvrar latiers ils dretgs guaffens
  • dismetter ils elements da construcziun allontanads ed auters ruments da construcziun adattà a l'ambient u reciclar quels
  • scriver rapports da lavur
  • nettegiar las maschinas e las mantegnair

Scolaziun

Basa legala

Ordinaziun federala 16-10-2009 (stadi dal 1-1-2019)

Durada

3 onns

Furmaziun en la pratica

en ina interpresa da sondagi da betun u da tagliar betun

Furmaziun en scola

1 di per emna a la scola professiunala a Zofingen/AG

Roms professiunals

  • savida fundamentala, lavurs da preparaziun, furar e tagliar, demontaschas spezialas
  • segirar, dischlocar e dismetter elements da construcziun
  • diever da maschinas, apparaturas e guaffens
  • administraziun
  • Curs ordaifer il manaschi

    Tar divers temas

    Maturitad professiunala

    Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

    Permiss dad ir cun auto

    Lavurants al tagl d‘edifizi survegnan la pussaivladad da far il permiss dad ir cun auto durant la furmaziun professiunala.

    Diplom

    Attestat federal da qualificaziun "lavurant / lavuranta al tagl d‘edifizi AFQ"

Premissas

Furmaziun preliminara
  • temp da scola obligatoric terminà
Pretensiuns
  • enclegientscha pratica
  • inschign manual
  • imaginaziun dal spazi
  • enclegientscha tecnica
  • sanadad robusta

Furmaziun supplementara

Curs

purschidas da scolas spezialisadas e professiunalas, purschidas da l’Associaziun svizra per interpresas che foran e taglian betun (tud. : Schweiz. Verbandes der Betonbohr und Betonschneidunternehmungen SVBS) sco era da la Societad Svizra dals Impressaris-Constructurs (tud.: Schweiz. Baumeisterverbandes SBV)

Furmaziun da basa scursanida

en ina professiun parentada, p.ex. sco miradur / miradura AFQ, lavurer / lavurera da betun AFQ, dissegnader / dissegnadra AFQ

Examen professiunal (EP)

cun certificat professiunal federal, p.ex. polier / poliera al tagl d’edifizi,  polier / poliera da construcziun

Examen professiunal superiur (EPS)

p.ex. maister constructur diplomà / maistra constructura diplomada

Scola spezialisada superiura (SSS)

tecnicist diplomà / tecnicista diplomada SSS en surveglianza da construcziun u tecnicist diplomà / tecnicista diplomada SSS en planisaziun da construcziun

Scola auta spezialisada (SAS)

Studis da bachelor en direcziuns da studi parentadas, p.ex. Bachelor of Science (SAS) en la domena d’inschigner / inschignera da construcziun. Tut tenor scola auta spezialisada valan differentas cundiziuns d'admissiun.

Cundiziuns da lavur

Lavurants al tagl d‘edifizi lavuran en la branscha dal tagl d’edifizi. I dat manaschis spezialisads sco er partiziuns en manaschis da construcziun.

La situaziun da las empustaziuns dependa da la conjunctura da la branscha da construcziun, però vegn la branscha dal tagl d’edifizi adina pli impurtanta. Ils motivs èn il svilup da la tecnica da construcziun industriala ed il volumen gigantic da renovaziuns. Bleras construcziuns autas, dentant er construcziuns d’art en la construcziun bassa sco punts, tunnels ed implants atomars ch’èn vegnids bajegiads durant il boom da betun, ston vegnir sanads, renovads u demontads ils proxims onns.

Radund 40 interpresas en Svizra prendan emprendists da lavurant al tagl d‘edifizi.

Ulteriuras infurmaziuns

Schweiz. Verband der Betonbohr- und Betonschneidunternehmungen SVBS
Bahnhofstr. 7d
4512 Bellach
Tel: +41 32 618 10 50
URL: www.svbs.ch




orientation.ch