Accueil myOrientation

Me connaître - Etape 1: J'identifie mes intérêts, points forts et attentes professionnelles

Professions et formations - Etape 2: J’explore le monde des professions et des formations

Qualités requises et conditions d'admission - Etape 3: Je compare mes points forts avec les qualités requises et les conditions d'admission des métiers

Stages - Etape 4: J’explore en détail les métiers qui m’intéressent le plus

Projet professionnel - Etape 5: J’évalue mes résultats et me décide pour une profession ou une formation

Apprentissage - école - Etape 6: Recherche d'une place d'apprentissage et / ou inscription à une école

Préparation - Etape 7: Je me prépare à ma formation en entreprise ou en école

Dossier de travail - Tes résultats

Veuillez patienter...

Préparation de votre dossier myOrientation.

Déconnecté

Votre session de travail est expirée. Vous allez être redirigé sur la page d'accueil. Veuillez vous connecter à nouveau pour continuer votre session de travail.

Travaux de maintenance: En raison des travaux de maintenance sur les serveurs d’orientation.ch, il faut s'attendre à des interruptions le mercredi 14 novembre entre 18h00 et 21h00.

Tschentapalantschieus industrials e purtants AFQ

Tschentapalantschieus industrials e purtants AFQ mettan e mantegnan palantschieus industrials e cuvridas da palantschieus senza chavas per hallas, fabricas, lavuratoris ed edifizis publics.

Lavurs

Palantschieus en fabricas, lavuratoris, magasins, chasas da parcar, hallas da sport u edifizis publics ston tegnair pitg a cundiziuns spezialas. Quests palantschieus senza chavas vegnan mess dals tschentapalantschieus industrials e purtants AFQ. Plinavant fan els reparaturas e sanaziuns d’edifizis vegls.

Per producir ils palantschieus dovran ils tschentapalantschieus industrials e purtants materials sco betun dir, rascha artifiziala, granulat da gumma u lain petrifitgà. Els calculeschan la quantitad necessaria, preparan il fund e tschentan il material d’isolaziun. La maschaida per ils palantschieus vegn producida cun agid d’ina maschina. Las maschaidas vegnan tratgas a l’autezza giavischada cun ina latta da planar. La surfatscha vegn gulivada cun maschinas u paluttas e tenor basegn glimada e pulida. Ils tschentapalantschieus industrials e purtants èn era responsabels per ils tagls da chava.

Il segund champ da lavur dals tschentapalantschieus industrials e purtants è la construcziun dals palantschieus da basa per divers edifizis. Ils palantschieus da basa furman la stresa tranter il palantschieu da betun grop ed il palantschieu che vegn construì pli tard sco per exempel parchet, cheramica, materia sintetica u tarpun. Tut tenor co che l'edifizi vegn nizzegià ademplescha il palantschieu er ulteriuras funcziuns sco absorbar il tun, l’umiditad e la chalur.

Per lur lavur dovran ils tschentapalantschieus industrials e purtants apparaturas e maschinas modernas. Tuttina vegnan blers pass da lavur fatgs a maun ed en ina posiziun sgobada u en schanuglias, quai che pretenda ina buna disposiziun corporala.

Tschentapalantschieus industrials e purtants lavuran quasi adina en teams. Els enconuschan ils privels sin ils plazzals e protegian sasezs e lur collavuraturs cun resguardar las mesiras da segirezza, prender mesiras per evitar accidents e purtar l’equipament da protecziun persunal.

Per proteger l’ambient resguardan els las prescripziuns per la protecziun da l’ambient. Materials duvradas, grass dad unscher, products da nettegiar, e.u.v. dismettan els tenor las prescripziuns dal manaschi.

Scolaziun

Basa legala

Ordinaziun federala 1-11-2013

Durada

3 onns

Furmaziun en la pratica

En in manaschi che metta palantschieus industrials e da basa

Furmaziun en scola

Curs da bloc a la scola professiunala per constructurs da vias da traffic a Sursee: en media 9 emnas l'onn, da quai radund 2 emnas l'onn cun accent sin "construcziun da palantschieus industrials e da basa"

Roms professiunals

  • organisar las lavurs e garantir la segirezza da lavur e da sanadad sco era la protecziun da l’ambient
  • exequir lavurs generalas en la construcziun da vias da traffic
  • exequir las lavurs per metter palantschieus da surchombras flottants e palantschieus industrials
  • Curs ordaifer il manaschi

    Emprender ed exercitar las basas professiunalas a moda pratica

    Maturitad professiunala

    Fitg bunas prestaziuns da scola permettan da frequentar la scola da maturitad professiunala durant la furmaziun da basa.

    Diplom

    Attestat federal da qualificaziun "tschentapalantschieus industrials e purtants AFQ"

Premissas

Furmaziun preliminara
  • scola populara terminada
Pretensiuns
  • inschign manual
  • encletga pratica
  • fidadadad e perseveranza
  • abilitad da lavurar en in team
  • forza corporala
  • sanadad robusta

Furmaziun supplementara

Curs

purschidas da scolas spezialisadas e professiunalas, da l’Associaziun PAVIDENSA e dal Campus Sursee

Scolaziun da basa scursanida

montader / montadra da binaris AFQ, sondader / sondadra AFQ, salaschader / salaschadra AFQ, construider / construidra da vias AFQ

Examen professiunal (EP)

cun certificat professiunal federal: polier / poliera tschentapalantschieus industrials e purtants

Examen professiunal superiur (EPS)

manader diplomà / manadra diplomada da construcziun bassa, maister constructur / maistra constructura

Scola spezialisada superiura (SSS)

cun diplom SSS: tecnicist / tecnicista surveglianza da construcziun, tecnicist / tecnicista planisaziun da construcziun

Scola auta spezialisada (SAS)

Bachelor of Science (SAS) en inschigneria da construcziun

Cundiziuns da lavur

Tschentapalantschieus industrials e purtants lavuran en manaschis che mettan palantschieus industrials e da basa. Els cumenzan lur lavur la damaun marvegl e midan savens il lieu da lavur.

Tschentapalantschieus industrials e purtants han bunas schanzas sin il martgà da lavur. En cumparegliaziun cun autras professiuns da basa en la construcziun da vias da traffic è il dumber da plazzas d’emprendissadi plitost pitschen.

Ulteriuras infurmaziuns

Scola professiunala per constructurs da vias da traffic
Chascha postala
6210 Sursee
Tel: 041 922 26 26
URL: www.verkehrswegbauer.ch

PAVIDENSA Isolaziuns da surchombras Svizra
Seilerstr. 22
Chascha postala 5853
3001 Berna
Tel: 031 310 20 34
URL: www.pavidensa.ch

Revistas professiunalas:
"Pavidensa"
"B. Magazin - Das Magazin für Verkehrswegbauer"



orientation.ch