Passer au titre

Surdorader-enramader / Surdoradra-enramadra AFQ

Surdoraders-enramaders e surdoradras-enramadras procuran che maletgs sajan enramai a moda bain. Els cusseglian la clientella, fan roms da maletgs, enrameschan maletgs e surdoreschan roms ed objects. Els fan era lavurs da reparatura e restauraziun.

Lavurs

Els exequeschan suandantas lavurs:

Fabritgar il rom ed al surdorar
  • far bainvegni e cussegliar la clientella
  • tschertgar profils da laina adattads en il deposit da laina, als tagliar exactamain sin mesira, tatgan ils elements dal lain
  • smerigliar il rom da radent ed al colurar cun ina basa da crida
  • tagliar e metter la folia da metal sin la surfatscha che vegn surdorada, u cun il proceder da puliment u da surdorar cun ieli
  • maschadar la colur per il rom
  • dar si colur, patinar u vernischar il rom sche necessari
  • elavurar la surfatscha per imitar segns da vegliadetgna
Enramar maletgs
  • tagliar chartun per il passepartout e tagliar il vaider
  • elavurar urs da vaider
  • stender e montar il purtader da maletgs
  • enramar il maletg

Scolaziun

Basa legala

Ordinaziun federala 21-4-2009 (stan 1-2-2018)

Durada

4 onns

Furmaziun en la pratica

En in atelier per lavurs da surdorar-enramar

Furmaziun en scola

1 di per emna a la scola professiunala a Berna

Roms professiunals

  • cussegliaziun da la clientella, preparaziun da la lavur e lavurs flancantas dal process
  • surdorada
  • fabricaziun da roms
  • enramaziun
  • restauraziun
  • Curs ordaifer il manaschi

    Emprender ed exercitar a moda pratica la basa professiunala

    Maturitad professiunala

    Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

    Diplom

    Attestat federal da qualificaziun "surdorader-enramader / surdoradra-enramadra AFQ"

Premissas

Furmaziun preliminara
  • temp da scola obligatoric terminà
Pretensiuns
  • inschign manual
  • buna motorica fina
  • senn per bellezza
  • pazienza e perseveranza
  • interess vi da l’art e l’istorgia
  • plaschair vi dal contact
  • lavurar a moda orientada a la clientella

Furmaziun supplementara

Curs

purschidas da scolas per creaziun sco er dal Schweiz. Verbandes Bild und Rahmen SVBR

Scola auta spezialisada (SAS)

studis en direcziuns spezialas parentadas, p.ex. Bachelor/ Master of Arts (SAS) en conservaziun-restauraziun

En Germania

maister surdorader / maistra surdoradra a la Städtische Meisterschule für das Vergolderhandwerk / Kirchenmalerei München

Cundiziuns da lavur

Surdoraders-enramaders chattan lavur en ateliers da surdorar, museums, manaschis da restauraziun e fatschentas spezialisadas d’enramaziun.

Cun in pèr onns experientscha da lavur han surdoraders-enramaders bunas premissas da manar in agen atelier.

Ulteriuras infurmaziuns

Schweiz. Verband Bild und Rahmen SVBR
Sekretariat
Schlosstalstr. 50a
8406 Winterthur
Tel: +41 61 599 30 00
URL: www.svbr.info

Schule für Gestaltung Bern und Biel
Schänzlihalde 31
3013 Bern
Tel: +41 31 337 03 37
URL: www.sfgb-b.ch




orientation.ch