Accueil myOrientation

Me connaître - Etape 1: J'identifie mes intérêts, points forts et attentes professionnelles

Professions et formations - Etape 2: J’explore le monde des professions et des formations

Qualités requises et conditions d'admission - Etape 3: Je compare mes points forts avec les qualités requises et les conditions d'admission des métiers

Stages - Etape 4: J’explore en détail les métiers qui m’intéressent le plus

Projet professionnel - Etape 5: J’évalue mes résultats et me décide pour une profession ou une formation

Apprentissage - école - Etape 6: Recherche d'une place d'apprentissage et / ou inscription à une école

Préparation - Etape 7: Je me prépare à ma formation en entreprise ou en école

Dossier de travail - Tes résultats

Veuillez patienter...

Préparation de votre dossier myOrientation.

Déconnecté

Votre session de travail est expirée. Vous allez être redirigé sur la page d'accueil. Veuillez vous connecter à nouveau pour continuer votre session de travail.

Travaux de maintenance: En raison des travaux de maintenance sur les serveurs d’orientation.ch, il faut s'attendre à des interruptions le mardi 25 septembre entre 18h00 et 00h00.

Practicist / Practicista da mantegniment AFP

Practicists e practicistas da mantegniment nettegian e mantegnan edifizis e tegnan en urden il conturn. Els tgiran zonas verdas, fan lavurs da mantegniment e surpiglian reparaturas pli pitschnas.

Lavurs

Practicists e practicistas da mantegniment nettegian e mantegnan edifizis ed ils plazs, las zonas verdas e las vias che sa chattan en il conturn. Cun lur lavur guardan els ch’i saja net e segir e che tut funcziunia uschia sco quai ch’ils utilisaders e las persunas che vegnan sin visita spetgan. Els lavuran en edifizis ed en il liber. Las differentas lavurs mainan els tras autonomamain u en il team.

Practicists da mantegniment fan lavurs simplas da mantegniment e reparaturas pli pitschnas vi d’installaziuns senza electricitad.  Els remplazzan per exempel elements isads vi da portas e fanestras, midan or glischs ch’èn defectas, remedieschan chavas da chit u mainan tras lavurs da pictur pli pitschnas.

Era la tgira da zonas verdas dadens e dadora tutga tar las incumbensas da practicists da mantegniment. Els sauan plantas, segan pastgets, raschlan feglia e cumposteschan ruments d’iert.

A la fin controlleschan practicists da mantegniment cun agid d’ina glista da controlla, schebain tut las lavurs sajan vegnidas fatgas tenor l’incumbensa. Els nettegian ils apparats e las maschinas duvradas ed als deponan en lur lieu.

Practicists da mantegniment noteschan mintga di quai ch’els han fatg. Els scrivan en il formular tge lavurs ch’els han manà tras. Ils documents dattan els a lur schefs.

Savens mainan practicists da mantegniment tras las lavurs da nettegiament e mantegniment durant ch’il manaschi è en funcziun. Per quest motiv èsi fitg impurtant ch’els resguardian las prescripziuns da segirezza. Tar il diever da meds da nettegiar guardan els ch’els na pericliteschian ni la sanadad ni l’ambient.

Scolaziun

Basa legala

Ordinaziun federala 8-9-2014 (stan 1-1-2018)

Durada

2 onns

Furmaziun en la pratica

En in manaschi grond, in’instituziun pli gronda (scola, chasa, ospital euv.), ina vischnanca, in uffizi da construcziun bassa euv.

Furmaziun en scola

1 di per emna a la scola professiunala

Roms professiunals

  • organisar las lavurs sco er garantir la segirezza da la lavur, la protecziun da la sanadad e la protecziun da l’ambient
  • manar tras lavurs da nettegiament e gestiun dals ruments
  • manar tras reparaturas dal mantegniment dals edifizis sco er la tgira da zonas verdas
  • Curs ordaifer il manaschi

    Tar differents temas

    Diplom

    Attest professiunal federal "practicist / practicista da mantegniment AFP"

Premissas

Furmaziun preliminara
  • scola populara terminada
Pretensiuns
  • inschign manual
  • enclegientscha pratica e tecnica
  • fidadadad
  • forza fisica

Furmaziun supplementara

Curs

purschidas da scolas spezialisadas e professiunalas sco er da l’associaziun dal Schweizerischer Fachverband Betriebsunterhalt SFB

Spezialist / Spezialista per il mantegniment dal manaschi AFQ

practicists / practicistas da mantegniment AFP pon frequentar ina furmaziun da basa scursanida sco spezialist / spezialista per il mantegniment dal manaschi AFQ (access al 2. onn da furmaziun da basa pussaivel).

Suenter èn pussaivlas las medemas furmaziuns supplementaras sco per spezialists / spezialistas per il mantegniment dal manaschi AFQ.

Cundiziuns da lavur

Practicists da mantegniment lavuran en administraziuns da vischnancas, lavuratoris communals, ospitals, scolas, chasas, baselgias, administraziuns d’immobiglias, firmas da nettegiar u manaschis gronds.

Ulteriuras infurmaziuns

SFB – Schweizerischer Fachverband Betriebsunterhalt
Postfach
3076 Worb
Tel: +41 77 485 43 42
URL: www.betriebsunterhalt.ch



orientation.ch